ТҮРКПА қызметі туралы ақпарат алу үшін бізді әлеуметтік желілерде қадағалаңыз

ТҮРКПА қызметі туралы ақпарат алу үшін бізді әлеуметтік желілерде қадағалаңыз

Әлеуметтік желі
ТҮРКПА жас парламентшілерінің халықаралық конференциясы аясында панельдік сессиялар өтті

ТҮРКПА жас парламентшілерінің халықаралық конференциясы аясында панельдік сессиялар өтті

Күн
Көрілім
725

2026 жылғы 12 қарашада Түркия Республикасының астанасы Анкара қаласында Түркі мемлекеттері Парламенттік Ассамблеясының (ТҮРКПА) жас парламентшілерінің кездесуі аясында үш панельдік сессия өтті. Сессиялар барысында «Жас парламентшілердің көзқарасы бойынша Түркі әлемі жастарының маңызы», «Түркі әлемінің келешегі – 2040» және жастардың рөлі», сондай-ақ «Türkiye Scholarships стипендиялық бағдарламасы түлектерінің мансаптық жолы» тақырыптары талқыланды.

Панельдік сессияларда ТҮРКПА-ға мүше мемлекеттер парламенттерінің өкілдері, атап айтқанда, Эмре Чалышкан (Түркия), Бекжан Айытқұлов (Қазақстан), Бақтияр Қалпаев, Медер Чотонов және Дастан Жұмабеков (Қырғызстан), сондай-ақ түркі ынтымақтастық ұйымдары мен ғылыми орта өкілдері және ТҮРКПА Бас хатшысының орынбасары Мұхаммет Алпер Хаяли сөз сөйледі.

Панельдік пікірталастарға Түркия Ұлы Ұлттық Мәжілісінің депутаттары Махмут Рыдван Назырлы мен Зейнеп Йылдыз, сондай-ақ Түркия Республикасының Шетелдегі түріктер және туыстас қауымдастықтар істері жөніндегі басқармасы төрағасының орынбасары Мұрат Казанджы модераторлық етті.

Панельдік сессиялар барысында парламент депутаттары өзекті мәселелер бойынша жан-жақты пікір алмасты. Түрлі көзқарастар ортаға салынып, қатысушылардың сұрақтарына жауап берілді.

Іс-шараға ТҮРКПА Жас парламентшілер тобының атқарушы хатшысы Мирлан Усенканов та қатысты.