ТҮРКПА Ыстанбұлда өткен Түркі ынтымақтастық ұйымдарының координациялық отырысына қатысты

2026 жылғы 30 қаңтарда ТҮРКПА Бас хатшысы, Елші Рамил Хасан бастаған ТҮРКПА делегациясы Түркі мемлекеттері ұйымы (ТМҰ) Хатшылығының Ыстанбұлдағы ғимаратында өткен Түркі ынтымақтастық ұйымдарының Координациялық комитетінің 6-отырысына қатысты. Отырысты ТМҰ Бас хатшысы, Елші Кубанычбек Омуралиев жүргізді. Іс-шараға сондай-ақ ТҮРКСОЙ Бас хатшысы Сұлтан Раев, Халықаралық Түркі академиясының президенті, профессор, доктор Шаһин Мұстафаев, Халықаралық Түркі мәдениеті мен мұрасы қорының президенті Актоты Райымқұлова, Түркі инвестициялық қорының экономикалық мәселелер жөніндегі аға кеңесшісі Ерхан Түрбедар және Түркі сауда-өнеркәсіп палаталары одағының Бас хатшысы Адем Кула қатысты. Отырыста Түркі ынтымақтастық ұйымдарының басшылары мен өкілдері өз қызметтерінің негізгі бағыттары мен іске асырылып жатқан бастамалары туралы таныстырылымдар жасап, баяндамалар ұсынды. Өз сөзінде ТҮРКПА Бас хатшысы 2026 жылға арналған Іс-қимыл жоспарына ТҮРКПА-ның қосатын үлесін атап өтті. Атап айтқанда, Бірінші Түркология конгресінің 100 жылдығы аясында парламенттік дипломатияға арналған халықаралық конференция өткізу жоспарланғанын жеткізді. Бас хатшы Мемлекет басшылары саммиттері қарсаңында үйлестірудің тиімділігін арттыру мақсатында Түркі ынтымақтастық ұйымдарының координациялық кездесулерін жылына екі рет өткізуді ұсынды. Бұл ұсыныс қатысушылар тарапынан қолдау тапты. Р. Хасан сондай-ақ жоғары деңгейде қабылданған шешімдердің орындалуын қамтамасыз ету және парламенттік үдерістерді Мемлекет басшыларының стратегиялық көзқарасымен үйлестіру үшін ТМҰ мен ТҮРКПА арасындағы ынтымақтастықты, оның ішінде сарапшылар деңгейіндегі өзара іс-қимылды күшейтудің маңызын ерекше атап өтті. Қатысушылар түркі ынтымақтастығына қатысты бірқатар өзекті мәселелер бойынша пікір алмасты. Атап айтқанда, Әзербайжанның Габала қаласында өткен Түркі мемлекеттері ұйымының 12-Саммитінде қабылданған тиісті шешімдер мен Мемлекет басшыларының тапсырмаларын іске асыру мәселесіне ерекше назар аударылды. Бірінші Түркология конгресінің 100 жылдығы аясында бірлескен іс-шараларды ұйымдастыруға айрықша мән беріліп, оның тарихи маңызы атап өтілді. Отырыстың қорытынды кезеңінде Түркі ынтымақтастық ұйымдарының 2026 жылға арналған Іс-қимыл жоспары таныстырылды. Қатысушылар ұсынылған іс-шараларды қарастырып, пікір алмасып, координация мен тиімділікті одан әрі арттыруға бағытталған ескертулер мен ұсыныстар енгізді. Талқылау нәтижесінде 2026 жылға арналған Іс-қимыл жоспары қабылданды. Сапар барысында Бас хатшыға оның орынбасары Талғат Адуов және Комиссия хатшысы Айнура Абуталибова ілесіп жүрді.