ТҮРКПА ТҮРКСОЙ Тұрақты кеңесінің 41-ші отырысына қатысты

2024 жылғы 16 қарашада ТҮРКПА Бас хатшысының орынбасары Сакы Садыков Ашхабадта Түрікменстан Мәдениет министрлігі ұйымдастырған ТҮРКСОЙ Тұрақты кеңесінің 41-ші отырысына қатысты. Кездесуге Түркіменстанның Мәдениет министрі, ТҮРКСОЙ ұйымының мерзімді үйлестірушісі Атагелди Шамурадов, Өзбекстан Республикасының Мәдениет министрі Озодбек Назарбеков, Қырғыз Республикасы Мәдениет, ақпарат, спорт және жастар саясаты министрінің орынбасары Гүлбара Әбдіқалықова, Түркия Республикасы Мәдениет және туризм министрінің орынбасары Сердар Чам, Қазақстан Республикасы Мәдениет және спорт министрлігі Мәдениет комитетінің төрайымы Күміс Сейітова, ТҮРКСОЙ Бас хатшысы Сұлтан Раев және басқа да ресми тұлғалар қатысты. Шара барысында қатысушылар Түркі мемлекеттерінің мәдени ынтымақтастығын ілгерілететін жобалар туралы пікір алмасты. Күн тәртібінде Ақтау қаласын «Түркі әлемінің 2025 жылғы мәдени астанасы» деп жариялауды мерекелеуге арналған іс-шараларды жоспарлау, Түркі әлемінің ортақ мәдени мұрасын ілгерілетуге қатысты мәселелер, тұрақты ынтымақтастық үдерістері қарастырылды. ТҮРКСОЙ ұйымының Бас хатшысы Сұлтан Раев өз сөзінде Түркі әлемінің қолдауының арқасында ТҮРКСОЙ өз қызметін табысты атқарып келе жатқанын айтты. Ол ортақ мәдениет бетпе-бет келген жаһандық қауіп-қатерлерге қатысты Түркі мемлекеттерінің бірлескен күш-жігерінің маңыздылығын атап өтті. Сондай-ақ, ортақ мәдениет Түркі халықтарының ынтымағы мен ынтымақтастығын нығайта түсетін маңызды ресурс екенін атап өткен ТҮРКСОЙ Бас хатшысы ТҮРКСОЙ ұйымы алдағы уақытта да бірлескен күш-жігердің арқасында өз қызметін әртараптандырып, алға қойған мақсаттарына жететінін жеткізді. ТҮРКСОЙ Тұрақты кеңесі Түркия Республикасы Мәдениет және туризм министрлігінің ұсынысымен белгілі ойшыл және жазушы Зия Гөкалптың 150 жылдығына орай 2026 жылды «Зия Гөкалп жылы» деп жариялады. Сол күні Түркіменстанның Ахал провинциясының Ак Бугдай қаласында орналасқан «Түркмен Ақ Өйі» (Түрікмен Ақ үйі) ғимаратында «Түркі әлемінің 2024 жылғы мәдени астанасы» (Түркіменстанның Анау қаласы «Түркі әлемінің 2024 жылғы мәдени астанасы» болды) жабылу салтанаты өтті. Шарада сөз алған Бас хатшының орынбасары Сакы Садыков Анау қаласының көне тарихына тоқталып, Түркі халықтарының тарихи мұрасын дәріптейтін шараларды өткізудің маңыздылығын атап өтті. Түркі елдері арасындағы мәдени-гуманитарлық байланыстардың табысты дамып келе жатқанына және Түркі мәдениетінің халықаралық деңгейде насихатталуына қанағаттанатынын білдірген Сакы Садыков Түркі әлеміндегі мәдени ынтымақтастықтың одан әрі қарқынды дамитынына сенім білдірді. Бағдарламада концерттер, Түркі халықтарының би ұжымдарының қойылымдары, кескіндеме, мүсін және фотосурет көрмелері, сондай-ақ ТҮРКСОЙ-ға мүше мемлекеттер мұражайларының директорларының қатысуымен арнайы кездесулер болды. Салтанатты шара барысында «Түркі әлемінің мәдени астанасы» нышаны мен тырна құс, «2025 жылғы Түркі әлемінің мәдени астанасы» Ақтау қаласында өтетін «Қорқыт-Ата» Түркі әлемі кинофестивалінің символы Ақтау қаласының атынан келген делегацияға ұсынылды.