ТҮРКПА Түркияның Демократия және ұлттық бірлік күніне орай өткен еске алу іс-шарасына қатысты

2026 жылғы 15 шілдеде ТҮРКПА Бас хатшысының орынбасары Мұхаммет Алпер Хаяли мырза Әзербайжанның Баку қаласында Түркияның Әзербайжандағы Елшілігі Юнус Эмре институты және Түрік ынтымақтастық және үйлестіру агенттігімен (TİKA) бірлесіп ұйымдастырған 15 шілде – Түркияның Демократия және ұлттық бірлік күніне арналған еске алу іс-шарасына қатысты.

Іс-шараға Түркияның Әзербайжандағы Елшісі Мәртебелі Бирол Акгүн, Елшілік қызметкерлері, Әзербайжан Милли Мәжілісінің депутаттары, халықаралық ұйымдардың өкілдері және өзге де ресми тұлғалар қатысты.

Сөз сөйлегендер мемлекеттік төңкеріс жасау әрекетіне қарсы тұруда мемлекет пен халық бірлігінің маңызды рөлін атап өтіп, 15 шілде оқиғалары демократиялық құндылықтарды қорғаудың символына айналғанын және кең ауқымды халықаралық мәнге ие болғанын жеткізді.

Қатысушылар сондай-ақ сол бір күрделі күндері демократиялық институттарды қорғауға және ұлттық бірлікті сақтауға бағытталған Түркия Президенті Режеп Тайип Ердоғанның күш-жігеріне ризашылықтарын білдірді. Сонымен қатар олар Әзербайжан Президенті Ильхам Әлиевке және Әзербайжан халқына Түркия мемлекеті мен халқына көрсеткен берік қолдауы мен тілектестігі үшін алғыс білдірді.

Іс-шараға қатысушылар 15 шілдеге қараған түні қаза тапқандардың рухына тағзым етіп, оларды құрметпен еске алды.