ТҮРКПА Түркі ынтымақтастығы ұйымдарының үйлестіру комитетінің 5-ші отырысына қатысты

2025 жылғы 12 наурызда Бас хатшы Мехмет Сүрейя Эр бастаған ТҮРКПА делегациясы Ыстамбұлда өткен Түркі ынтымақтастық ұйымдарының Үйлестіру комитетінің бесінші отырысына қатысты. Отырысты ТМҰ Бас хатшысы Кубанычбек Омуралиев жүргізіп, оған ТҮРКСОЙ Бас хатшысы Сұлтан Раев, Түркі академиясының Президенті Шахин Мұстафаев, Түркі мәдениеті мен мұрасы қорының Президенті Ақтоты Райымқұлова қатысты. Биылғы кездесуге ТМҰ-ға мүше мемлекеттердің Сыртқы істер министрлерінің орынбасарлары Самир Шарифов (Әзербайжан), Әлібек Бақаев (Қазақстан), Медер Абакиров (Қырғызстан), Айше Беррис Экинджи (Түркия), Бабур Усманов (Өзбекстан) және сонымен қатар Венгрияның Түркиядағы Елшісі Виктор Матис, Түрікменстанның Түркиядағы Елшісі Мекан Ишангулиев, Солтүстік Кипр Түрік Республикасы Сыртқы істер министрлігі хатшысының орынбасары Мұстафа Лакадамьялы және Түркі инвестициялық қорының аға кеңесшісі Эрхан Турбедар қатысты. Отырыс ТМҰ Бас хатшысы Кубанычбек Омуралиевтің алғы сөзімен басталып, Түркі ынтымақтастығы ұйымдары өкілдерінің мәлімдемелерімен жалғасты. Өз сөзінде Бас хатшы Мехмет Сүрейя Эр ТҮРКПА-ның атқарушы органдарына, қызмет салаларына, соңғы бастамалар мен алдағы жоспарларға шолу жасады. Ол Түркі ынтымақтастығы ұйымдарының қызметін олардың ортақ ерекшеліктері мен бірін-бірі толықтыратын сипаты тұрғысынан да қарастырып, қатысушылардың ТҮРКПА-ға қатысты сұрақтарына жауап берді. Кездесу жоғары лауазымды тұлғалар мен дипломатиялық өкілдердің Түркі ынтымақтастығы қызметі туралы пікірлері мен көзқарастарымен аяқталды.