ТҮРКПА ТМУнун Алдыңкы улуттук аналитикалык борборлорунун Экинчи Эл аралык конференциясына катышты

2026-жылдын 16-сентябрында ТҮРКПАнын Башкы катчысынын орун басарынын милдетин аткаруучу Бектур Базакечов мырза Азербайжандын Баку шаарында өткөн Түрк мамлекеттер уюмунун (ТМУ) Алдыңкы улуттук аналитикалык борборлорунун “Түрк мамлекеттер уюмунун алкагында үзгүлтүксүз консультациялар жана биргелешкен изилдөөлөр аркылуу экономикалык кызматташтыкты чыңдоо” аттуу Экинчи эл аралык конференциясына катышты.

Конференцияга Азербайжан, Түркия, Казакстан, Өзбекстан, Кыргызстан, Венгрия жана Түндүк Кипр Түрк Республикасынан (ТКТР) ар кандай мамлекеттик мекемелердин, аналитикалык борборлордун, илимий-изилдөө уюмдарынын жана башка уюмдардын өкүлдөрү катышты.

Конференциянын катышуучулары ТМУга мүчө мамлекеттердин ортосундагы экономикалык кызматташтыкты чыңдоонун келечегин, институционалдык механизмдерди жана биргелешкен изилдөөлөр үчүн мүмкүнчүлүктөрдү талкуулашты.

Иш-чаранын алкагында Ортоңку коридор аймактык интеграциянын жана инфраструктурага негизделген өнүгүүнүн катализатору катары; ТМУ мамлекеттердин ортосундагы соода-экономикалык мамилелер, анын ичинде учурдагы тенденциялар жана пайдаланылбаган мүмкүнчүлүктөр; ошондой эле туруктуу өнүгүү үчүн инновациялар, саясаттын алкактары жана экономикалык трансформация темаларында панелдик талкуулар өттү.

ТҮРКПАнын Башкы катчысынын орун басарынын милдетин аткаруучу Бектур Базакечов мырзаны ТҮРКПАнын Изилдөө боюнча эксперти Камила Музаффарли айым коштоп жүрдү.