ТҮРКПА ТМҰ Сыртқы істер министрлері кеңесінің 12-ші отырысына қатысты

Бас хатшы Мехмет Сүрейя Эр 2025 жылғы 7 қазанда Әзербайжан Республикасының Габала қаласында Түркі мемлекеттері ұйымының (ТМҰ) Он екінші Саммиті аясында шақырылған Түркі мемлекеттері ұйымының Сыртқы істер министрлері кеңесінің (СІМК) 12-ші отырысына қатысты. Әзербайжан Республикасының Сыртқы істер министрі Джейхун Байрамов өткізген кездесуге Қазақстан Республикасының Сыртқы істер министрі Ермек Көшербаев, Қырғыз Республикасының Сыртқы істер министрі Жээнбек Кулубаев, Түркия Республикасының Сыртқы істер министрі Хакан Фидан, Өзбекстан Республикасының Сыртқы істер министрі Бахтиёр Саидов, Венгрияның Сыртқы істер және саудасы министрі Петер Сийярто, СКТР Сыртқы істер министрі Тахсин Эртуғрулоғлу, қатысты. ТМҰ Бас хатшысы Кубанычбек Омуралиев, ТМҰ Ақсақалдар кеңесінің төрағасы мен мүшелері, сондай-ақ Түркі ынтымақтастығы ұйымының басшылары – ТҮРКПА-ның Бас хатшысы Мехмет Сүрейя Эр, ТҮРКСОЙ Бас хатшысы Сұлтан Раев, Түркі академиясының Президенті Шахин Мұстафаев, Түркі мәдениеті мен мұрасы қорының Президенті Ақтоты Райымқұлова, Түркі инвестициялық қорының Президенті Бағдад Әміреев және Түркі сауда және өнеркәсіп палаталары одағының (ТСӨПО) Президенті Маммад Мұсаев қатысты. СІМК 12-ші ТМҰ Саммитінде Мемлекет басшылары кеңесіне (МБК) қол қоюға ұсынылатын құжаттардың жобаларын пысықтады және ұйымның күн тәртібіндегі негізгі мәселелерді талқылады. Жиында Бас хатшы Мехмет Сүрейя Эр сөз сөйледі. Ол өз сөзінде Түркі мемлекеттері арасындағы ілгерілеушілікті, Түркі әлеміндегі қарқынды дамып келе жатқан ынтымақтастықты, мемлекет басшыларының берік ерік-жігерімен бірлік пен ынтымақтың нығаюы шын қуантарлық, мақтаныш сезіміне бөленетінін тілге тиек етті. Ол ТҮРКПА қызметіне шолу жасап, оның қызметі кезіндегі негізгі бастамалар мен жетістіктерге тоқталды. Соңғы жетістіктерге тоқтала келе, Бас хатшы: «Парламенттік дипломатия саласындағы қызметіміздің алдында, мен бірінші кезекте «ұзақ мерзімді қызмет» деп атауға лайық ТҮРКПА цифрлық трансформация жобаларын атап өткім келеді. ТҮРКПА 2023 жылы ағымдағы қажеттіліктерге сәйкес веб-сайтының жаңартылуымен басталған цифрлық трансформация бастамасының соңғы қадамдары ретінде «Qanun» және «Qamus» жобаларын іске қосуға қуанышты. Түркі мемлекеттерінің заңдарын бір платформада зерделеу мүмкіндігін ұсынатын «Qanun» жобасы Түркі тілдерінің лексикасын салыстырмалы түрде ұсынатын «Qamus» жобасымен бірге Түркі әлеміне көптеген жылдар бойына, ең алдымен, парламенттік дипломатияның қазіргі талаптары тұрғысынан да қызмет етеді. Бұл жобалар «тілдегі, ойдағы және іс-әрекеттегі бірлік» ұранының қазіргі талаптары ретінде қарастырылуы керек.» Бас хатшы сондай-ақ соңғы төрт жыл бойы ТҮРКПА-ның Бас хатшысы қызметін атқарғанын және бауырлас мемлекеттер мен халықтар арасындағы шынайы ынтымақтастықтың бір бөлігі болғанын мақтан етті. Ол ТҮРКПА Бас хатшысы болып сайланған бауырлас Әзербайжанның өкілі Рамиль Гасанның алдағы жұмыстарына сәттілік тіледі. Бас хатшы Мехмет Сүрейя Эрмен бірге Комиссия хатшылары Айнура Абуталибова мен Кадир Яман болды.