ТҮРКПА терроризмге каршы күрөшүү боюнча парламенттик конференцияга катышты

Башкы катчынын орун басары Талгат Адуов мырза 2022-жылдын 30-31-мартында Катар мамлекетинин Доха шаарында Бириккен Улуттар Уюмунун Терроризмге каршы күрөшүү боюнча кеңсеси (БУУТК) тарабынан уюштурулган Жогорку деңгээлдеги парламенттик конференцияга катышты. Иш-чаранын темасы “Африкадагы террордук коркунучту түшүнүү: жаңы чакырыктар жана зарыл чаралар” болгон. Ачылыш аземинде Бириккен Улуттар Уюмунун Терроризмге каршы күрөшүү боюнча кеңсесинин Башкы катчысынын орун басары Владимир Воронков мырза, Катар Мамлекетинин Шура Кеңешинин Төрагасы Хасан бин Абдулла Аль-Ганим мырза, Африканын Парламенттик Бирлигинин Аткаруу комитетинин Президенти Мохамед Али Хоумед мырза, Батыш Африка жана Сахел боюнча атайын өкүл жана БУУнун Батыш Африка жана Сахел боюнча кеңсесинин Башчысы Аннадиф Хатир Махамат Салех мырза жана БУУнун Башкы катчынын орун басары жана Башкы катчынын Африка боюнча атайын кеңешчиси Кристина Дуарте айым сөз сүйлөгөн. Иш-чарага Африканын улуттук парламенттеринин, парламенттик ассамблеялардын өкүлдөрү, ошондой эле тематикалык эксперттер, анын ичинде Координациялык топтор жана Чек ара коопсуздугу жана башкаруу (ЧКБ) боюнча БУУТК-нын программаларынын жана башка программалар менен долбоорлордун өкүлдөрү катышты. Төрт сессияны камтыган иш-чаранын жүрүшүндө катышуучулар Африка континентиндеги негизги учурдагы жана пайда болуп жаткан террордук коркунучтар; учурдагы жана пайда болуп жаткан террордук коркунучтарды азайтуу, алдын алуу жана чечүү боюнча зарыл чаралар; терроризмге каршы күрөшүү жана зомбулук экстремизмдин алдын алуу боюнча эл аралык техникалык жардам боюнча программалар жана долбоорлор; Африка Парламенттеринин терроризмге каршы күрөшүүдө жана зомбулук экстремизмдин алдын алууда техникалык жардам жана потенциалды жогорулатуу муктаждыктары сыяктуу маселелерди талкуулашты.