ТҮРКПА Шушада өткізілген іс-шараларға қатысты

2023 жылғы 13-14 қазанда Әзербайжан Республикасының Мәдениет министрлігі Шушада Әзербайжан халқының ұлттық көшбасшысы Гейдар Әлиевтің 100 жылдығына арналған Түркі әлемінің алғашқы мәдени форумын ұйымдастырды. Форумның ашылу салтанатында Әзербайжан Республикасының Мәдениет министрі Адиль Каримли, ТҮРКСОЙ Бас хатшысы Сұлтан Раев, Түркі мемлекеттері ұйымының Бас хатшысы Кубанычбек Умиралиев, ТҮРКПА Бас хатшысы Мехмет Сүрейя Эр, Түркі академиясының Президенті Шахин Мустафаев, Әзербайжан Ұлттық ғылым академиясының Президенті Иса Хабиббейли және Әзербайжан Жазушылар одағының Төрағасы Анар Рзаев, сондай-ақ ТҮРКСОЙ-ға мүше елдердің ғылым, өнер, әдебиет пен мәдениет қайраткерлері сөз сөйледі. Іс-шарада сөз сөйлеген Бас хатшы Мехмет Сүрейя Эр мұндай мәдени іс-шаралар бірегей және қайталанбас мәдениетті құрған Түркі халықтарының бай мұрасын дамытуға және насихаттауға, сондай-ақ оларды жақындастыруға ықпал ететінін атап өтті. Ол әлемдегі мәдени дипломатия мен мәдениетаралық диалогтың өсіп келе жатқан маңызы аясында Түркі әлемінің танымалдылығын арттыру қажеттігіне назар аударды. Форум өз жұмысын үш панельдік пікірталас: «Түркі тілдері мен әдебиеті: саралау және интеграция», «Мәдени және тарихи мұраны қорғау және қалпына келтіру саласындағы үздік тәжірибелер» және «Креативті индустриялар мен инновациялар» аясында жалғастырды. Іс-шараға қатысушылар Ұлттық көшбасшы Гейдар Әлиевтің еңбегін көрсететін фотосуреттер, құжаттар мен бейнематериалдардан тұратын көрмемен танысты. Сондай-ақ, қонақтар Саатлы қалалық мешіті мен Шуша шығармашылық орталығына барды. 2023 жылғы 13 қазанда Бас хатшы ТҮРКСОЙ Тұрақты кеңесінің 40-шы отырысына қатысты. ТҮРКСОЙ уақытша үйлестірушісі, Әзербайжан Республикасының Мәдениет министрі Адиль Каримли, ТҮРКСОЙ Бас хатшысы Сұлтан Раев, Әзербайжан Республикасы Президентінің Шушадағы арнайы өкілі Айдын Керімов, Қазақстан Республикасы Мәдениет және ақпарат министрлігі Мәдениет комитетінің Төрайымы Күміс Сейітова, Қырғыз Республикасының Мәдениет, ақпарат, спорт және жастар саясаты Министрінің бірінші орынбасары Қайрат Иманалиев, Өзбекстан Республикасы Мәдениет министрінің бірінші орынбасары Баходир Ахмедов, Түркия Республикасы Мәдениет және туризм министрінің орынбасары Сердар Чам, Түрікменстан Мәдениет министрлігінің Сыртқы байланыстар бөлімінің бастығы Билбиль Бабаева, СКТР Премьер-Министрінің орынбасары, Туризм, мәдениет, жастар және қоршаған орта министрі Фикри Атаоглу, Гагаузия (Молдова) Мәдениет және туризм жөніндегі Бас дирекциясының басшысы Марина Семенова, Түркі мемлекеттері ұйымының Бас хатшысы Кубанычбек Умиралиев, ТҮРКПА Бас хатшысы Мехмет Сүрейя Эр, Түркі академиясының Президенті Шахин Мустафаев іс-шарада сөз сөйледі. 2023 жылғы 14 қазанда Бас хатшы Түркі әлемінің алғашқы мәдени форумы аясында Түркі академиясы ұйымдастырған Түркі әлеміндегі тарих және мәдениет ескерткіштерін қорғау, қалпына келтіру және консервациялау саласындағы мемлекеттік саясат және халықаралық ынтымақтастық жөніндегі дөңгелек үстелде сөз сөйледі. Дөңгелек үстел жұмысына Түркі мемлекеттерінің мәдени мұра мекемелерінің басшылары қатысты. Іс-шара Түркі әлемінің ортақ мәдени мұрасын ілгерілету мен сақтауға тәжірибемен, идеялармен алмасу және тәсілдерді әзірлеу үшін алаң болды. Қатысушылар өз елдерінің мәдени және тарихи мұраны қалпына келтіру және сақтау саласындағы тәжірибесі туралы айтып берді. Олар материалдық және материалдық емес Түркі мәдени мұрасын сақтау және насихаттау ісінде, оның ішінде мәдени мұраны цифрлық түрде жазу және сақтау саласында күш біріктіруге және ынтымақтасуға дайын екендіктерін білдірді. Түркі академиясы мен Әзербайжан Республикасының Мәдениет министрлігі Түркі академиясы дайындаған Түркі әлемінің мәдени бағыттары бағдарламасын құру туралы тұжырымдамалық жазбаны бірлесіп ұсынды. Бағдарламаның мақсаты – мәдени мұраны сақтау, мәдени алмасу мен ынтымақтастық, туризм арқылы экономикалық даму болып табылады.