ТҮРКПА СКТР-ның құрылғанына 41 жыл толуына арналған мерекелік шараларға қатысты

ТҮРКПА Бас хатшысы Мехмет Сүрейя Эр бастаған делегация 2024 жылдың 15 қарашасында Солтүстік Кипр Түрік Республикасының (СКТР) құрылғанына 41 жыл толуына арналған іс-шараларға қатысты. Мерекелік іс-шаралардың алдында – 14 қарашада ТҮРКПА делегациясын СКТР Президенті Ерсин Татар мен СКТР Ассамблеясының Төрағасы Зия Өзтүрклер қабылдады. Сол күні ТҮРКПА делегациясы Гирне әскери госпиталінің ашылу салтанатына да қатысты. 15 қарашада СКТР құрылғанының 41 жылдығына арналған мерекелік іс-шаралар бағдарламасы Президент Ерсин Татардың құттықтауларды қабылдау рәсімінен басталды. Одан кейін бағдарлама Лефкошадағы Мұстафа Кемал Ататүрік ескерткішіне гүл шоқтарын қою рәсімімен жалғасты. Мерекелік іс-шараларға Президент Ерсин Татар, Түркия Республикасының Вице-президенті Джевдет Йылмаз, СКТР Ассамблеясының Төрағасы Зия Өзтүрклер, СКТР Премьер-министрі Үнал Үстел, Түркия Ұлы Ұлттық Жиналысы Төрағасының орынбасары Джелал Адан, Әзербайжан мен Түркия парламентшілері, министрлер, СКТР мен Түркияның саяси партияларының өкілдері, басқа да жоғары деңгейдегі мемлекеттік және әскери қызметкерлер мен азаматтар қатысты. Мерекелік шаралардың негізгі бөлігі Фазыл Күчүк бульварында өтті. Мерекелік шараның ашылу салтанатында Президент Ерсин Татар мен Түркия Республикасының Вице-президенті Джевдет Йылмаз сөз сөйледі. Түркия Республикасының Президенті Режеп Тайып Ердоған СКТР-ның құрылғанына 41 жыл толуына орай құттықтау жолдады. Түркия Республикасы Ұлттық қорғаныс министрлігі Мехтеран бөлімшесінің халық биі шоуы мен концертінен кейін салтанатты рәсім ресми шерумен аяқталды. Мерекелік шаралар бағдарламасында СКТР Президенті Ерсин Татар мен СКТР Ассамблеясының Төрағасы Зия Өзтүрклердің атынан қабылдаулар да болды. СКТР сапары барысында Бас хатшы Мехмет Сүрейя Эрмен бірге ТҮРКПА Хатшылығының қызметкерлері Азар Мамадов пен Аласгар Агаев болды.