ТҮРКПА СКТР-ның 40 жылдығына арналған іс-шараларға қатысты

2023 жылғы 15 қарашада Бас хатшы Мехмет Сүрейя Эр бастаған ТҮРКПА делегациясы Солтүстік Кипр Түрік Республикасының 40 жылдығына арналған іс-шараларға қатысты. Іс-шаралар бағдарламасы Лефкоштағы Мұстафа Кемал Ататүрік ескерткішіне гүл шоқтарын қою рәсімінен басталды. Салтанатты рәсімнен кейін Фазыл Күчүк бульварында ресми шеру өтті. Шеруге СКТР Президенті Эрсин Татар, Түркия Республикасының Вице-президенті Джевдет Йылмаз, СКТР Ассамблеясының Төрағасы Зорлу Төре, СКТР Премьер-Министрі Юнал Үстел, СКТР Сыртқы істер министрі Тахсин Ертуғрулоғлу, Түркия Республикасы Бас штабының Бастығы генерал Метин Гюрай, Әзербайжан мен Түркия парламенттерінің өкілдері, сондай-ақ басқа да лауазымды тұлғалар қатысты. Іс-шарада сөз сөйлеген Президент Эрсин Татар түрік ұлтының ажырамас бөлігі болып табылатын кипрлік түріктер Жерорта теңізінің шығысында тәуелсіздікті, еркіндікті және бостандықты білдіретін өшпес алау болып қала беретінін айтты. Бағдарлама аясында қонақтар Кипр түріктерінің Тарихы, мәдениеті және ұлттық күресі мұражайының ашылу салтанатына қатысты. Қатысушылар үшін «Turkish Stars» Түркия әуе күштерінің аэробатикалық тобының демонстрациясы өткізілді. Іс-шаралар бағдарламасы СКТР Президенті Эрсин Татардың атынан ресми қабылдаумен аяқталды.