ТҮРКПА СБМ Өзбекстандағы саяси партиялардың басшыларымен кездесулер өткізді

2024 жылғы 25-26 қазанда ТҮРКПА Сайлауды бақылау жөніндегі миссиясы Ташкентте Өзбекстан Республикасы Олий Мажлисінің Заң шығару палатасына сайлауға қатысатын саяси партиялардың басшыларымен кездесулер өткізді. Аталған кездесулер барысында Миссияның сұхбаттастары – Өзбекстан Либерал-демократиялық партиясының жетекшісі Актам Хаитов, «Миллий тикланиш» демократиялық партиясының жетекшісі Алишер Кадыров, Өзбекстан халықтық-демократиялық партиясының жетекшісі Улугбек Иноятов, Өзбекстанның «Адолат» социал-демократиялық партиясының жетекшісі Робахон Махмудова және Өзбекстан Экологиялық партиясының жетекшісі Абдушукур Хамзаев Миссияны сайлау алдындағы жағдай және 27 қазанда өтетін сайлаудан күтетін үміттер туралы өз пікірлерін жеткізді. Миссия әділ және ашық сайлау өткізуде сәттілік тіледі. ТҮРКПА Сайлауды бақылау жөніндегі миссиясының құрамына Әзербайжан, Қазақстан, Қырғызстан және Түркия парламентшілері – Ахлиман Амирасланов, Агалар Валиев (Әзербайжан), Құдайберген Бексултанов (Қазақстан), Азизбек Турсунбаев (Қырғызстан), Осман Местен, Махмут Рыдван Назырлы, Харун Өзгүр Йылдызлы, Филиз Кылыч, Өмер Фарук Гергерлиоғлу (Түркия), ТҮРКПА Бас хатшысы Мехмет Сүрейя Эр, парламенттік қызметкерлер және ТҮРКПА Хатшылығының басқа да өкілдері қатысты. Миссияны Түркия Ұлы Ұлттық Жиналысының депутаты Осман Местен басқарған.