ТҮРКПА ШБМ Азербайжандын Тышкы иштер министринин орун басары менен жолугушту

2024-жылдын 30-августунда ТҮРКПАнын Шайлоого байкоо жүргүзүү миссиясы Азербайжан Республикасынын Тышкы иштер министринин орун басары Самир Шарифов менен жолугушту. Миссияны куттуктап жатып, министрдин орун басары Азербайжан ТҮРКПАнын ишмердүүлүгүнө чоң маани берерин белгиледи. Парламенттер аралык кызматташтыкты өнүктүрүүдө ТҮРКПАнын ролуна токтолгон Шарифов мырза, Ассамблеянын алкагындагы кызматташуу механизмдери өзүнүн натыйжалуулугун далилдегенин белгилеп кетти. Ал Азербайжан мындан ары да Уюмдун ишмердүүлүгүнө колдоо көрсөтүүгө даяр экенин баса белгиледи. Азербайжанда мөөнөтүнөн мурда парламенттик шайлоо өткөрүүнүн маанилүүлүгүнө токтолгон министрдин орун басары бошотулган аймактарда биринчи жолу парламенттик шайлоо өткөрүлөөрүн, жарандар өздөрүнүн туулган жеринде шайлоо укуктарын пайдалана ала турганын баса белгиледи. Шарифов мырза ТҮРКПАнын шайлоолорго мониторинг жүргүзүү боюнча олуттуу тажрыйбасын белгилеп, Миссия мөөнөтүнөн мурда өтүүчү парламенттик шайлоого байкоо жүргүзүү процессине олуттуу салым кошот деген ишенимин билдирди. Бошотулган аймактарда шайлоо участкалары түзүлгөндүгүн белгилеп, Миссия бул аймактарда да өтө турган мөөнөтүнөн мурда парламенттик шайлоонун маанилүүлүгүн белгиледи. Миссия шайлоого байкоо жүргүзүү үчүн түзүлгөн шарттар үчүн ыраазычылык билдирип, шайлоону өткөрүүдө ийгиликтерди каалады. ТҮРКПАнын Шайлоого байкоо жүргүзүү миссиясынын курамына Казакстан менен Түркиянын парламентарийлери – Мукаш Искандиров (Казакстан), Ахмет Зенбилжи, Эмре Чалышкан, Махмут Рыдван Назырлы, Кадим Дурмаз жана Филиз Кылыч (Түркия), ТҮРКПАнын Башкы катчысы Мехмет Сүрейя Эр, парламенттердин өкүлдөрү жана ТҮРКПА Катчылыгынын кызматкерлери катышты. Миссияны Түркиянын Улуу Улуттук Жыйынынын мүчөсү Ахмет Зенбилжи жетектеди.