ТҮРКПА СБМ Әзербайжан Парламентінің Басшысымен кездесті

ТҮРКПА-ның Құқықтық мәселелер және халықаралық қатынастар жөніндегі комиссиясының Төрағасы, Түркия Ұлы Ұлттық Жиналысының мүшесі Осман Местен бастаған ТҮРКПА Сайлауды бақылау жөніндегі миссиясы Әзербайжан Республикасы Милли Меджлисінің Төрағасы Сагиба Гафаровамен кездесті. Парламент Басшысы кезектен тыс президенттік сайлауды Әзербайжан халқы үшін тарихи оқиға ретінде атап өтті. Ол бірінші рет егеменді Әзербайжанның бүкіл территорияларында, оның ішінде оккупациядан босатылған территорияларда сайлау өткізілгенін, сондықтан сайлауды «Жеңіс сайлауы» деп те атауға болатындығын баса айтты. Ол азаматтардың өз еріктерін білдіруі үшін барлық қажетті жағдайлар жасалғанын білдірді. Миссия басшысы бақылау бағдарламасы, оның ішінде азат етілген аумақтардағы – Шуша және Ханкенді қалаларындағы сайлауды бақылау туралы хабардар етті. Бақылаушылар кезектен тыс президенттік сайлаудың елдің одан әрі дамуы үшін маңыздылығын атап өтті.