ТҮРКПА ШБМ Азербайжан Парламентинин башчысы менен жолугушту

ТҮРКПАнын Укуктук маселелер жана эл аралык байланыштар боюнча комиссиясынын Төрагасы, Түркиянын Улуу Улуттук Жыйынынын депутаты Осман Местен жетектеген ТҮРКПАнын шайлоого байкоо жүргүзүү миссиясы Азербайжан Республикасынын Милли Межлисинин Төрайымы Сахиба Гафарова менен жолугушту. Парламент башчысы кезексиз президенттик шайлоону азербайжан эли үчүн тарыхый окуя экенин белгиледи. Ал Азербайжандын бардык эгемендүү аймактарында, анын ичинде оккупациядан бошотулган аймактарда биринчи жолу шайлоо өткөнүн, ошондуктан шайлоону "Жеңиш шайлоосу" деп да атоого болорун баса белгиледи. Ал сөз сөзүндө жарандардын эркин билдирүүсү үчүн бардык зарыл шарттар түзүлгөнүн айтты. Миссиянын башчысы байкоо программасы, анын ичинде бошотулган аймактарда – Шуша жана Ханкенди шаарларындагы шайлоого мониторинг жүргүзүү тууралуу маалымат берди. Байкоочулар өлкөнүн мындан аркы өнүгүүсүндө мөөнөтүнөн мурда президенттик шайлоонун маанилүүлүгүн белгилешти.