ТҮРКПА Санкт-Петербургте өткен терроризмге қарсы күрес жөніндегі халықаралық конференцияға қатысты

2025 жылғы 17-18 сәуірде Санкт-Петербургте ТҮРКПА Бас хатшысының орынбасары Сакы Садыков бастаған ТҮРКПА делегациясы «Жасанды интеллект пен басқа да жаңа технологияларды террористік әрекет үшін қолдануға қарсы іс-қимыл шараларын заңнамалық реттеу» тақырыбындағы халықаралық конференцияға қатысты. Біріккен Ұлттар Ұйымының Терроризмге қарсы іс‑қимыл басқармасының, Катар Шура Кеңесінің және Халықаралық Қызыл Крест Комитетінің бірлескен бастамасы аясында ұйымдастырылған конференцияда парламентшілер, заң және технология сарапшылары лаңкестікпен күресте жасанды интеллект пен жаңа технологиялар тудыратын қауіптер мен мүмкіндіктерді терең бағалау үшін жиналды. Ашылу сөзінде бұл технологиялар бақылаусыз пайдаланылған жағдайда террористік ұйымдардың үгіт-насихат, коммуникация және кибершабуыл жасау мүмкіндіктерін қалай арттыра алатынына назар аударылды. Сонымен бірге, талқылаулар осы құралдардың тиісті құқықтық реттеулер мен халықаралық ынтымақтастық арқылы ерте ескерту жүйелерінде және киберқорғаныс тетіктерінде қалай тиімді рөл атқара алатынына баса назар аударылды. Конференция барысында келісілген негізгі қағидаттар жасанды интеллект жүйелерінің ашықтығын және олардың адам құқықтарына сәйкестігін қамтамасыз ететін құқықтық базаны құру, трансұлттық қауіптермен күресу үшін ақпарат алмасу және ортақ стандарттарды әзірлеу, қауіпсіздік пен инновация арасындағы нәзік тепе-теңдікті сақтау болды. Қатысушылар технологиялық компаниялар мен мемлекеттік органдар арасындағы үйлестіруді күшейту киберқауіпсіздік шараларын кеңейту, лаңкестік әрекеттерді алдын ала анықтау үшін үлкен деректер аналитикасын пайдалану және халықтың хабардарлығын арттыру үшін өте маңызды екенін атап өтті. Конференцияда Бас хатшының орынбасары Сакы Садыков та баяндама жасады. Ол өз сөзінде жасанды интеллект пен жаңа технологиялар лаңкестік қаупін өзгертіп, күшейтіп жатқанын ескертіп, мемлекет демеушілік ететін немесе тәуелсіз барлық лаңкестік әрекеттерді халықаралық қоғамдастық қабылдамау керектігін айтты. Одан әрі ол адам қауіпсіздігін алдын ала ескерту жүйелерін құру, киберқауіпсіздік шараларын жақсарту және осы мәселе бойынша халықты ағарту арқылы нығайтуға болатынын атап өтті және ұлттық әрі халықаралық деңгейде бірыңғай құқықтық базаны енгізу маңызды екенін мәлімдеді. Бас хатшының орынбасары Сакы Садыковпен бірге ТҮРКПА Жас парламентшілер тобының жауапты хатшысы Серхат Үйсал ілесіп жүрді.