ТҮРКПА Сайлауды бақылау жөніндегі миссиясы Алматыда саяси партиялардың өкілдерімен кездесулер өткізді

2026 жылғы 20–21 тамызда ТҮРКПА Сайлауды бақылау жөніндегі миссиясының Алматы тобы 2026 жылғы 23 тамызға тағайындалған Қазақстан Республикасы Құрылтайының депутаттарын сайлауды қысқа мерзімді бақылау аясында сайлауға қатысушы саяси партиялардың өкілдерімен кездесулер өткізді.

Миссия мүшелері «Ақ жол» Қазақстанның Демократиялық партиясы, Қазақстанның «Байтақ» жасылдар партиясы, «Respublica» партиясы, Қазақстан Халық партиясы, «Ауыл» партиясы және «Әділет» партиясының өкілдерімен кездесті.

Кездесулер барысында саяси партиялардың өкілдері Миссия мүшелерін өздерінің сайлауалды бағдарламаларымен таныстырып, сайлау алдындағы ахуалға қатысты көзқарастары мен алдағы парламенттік сайлауға байланысты күтулері туралы ақпарат берді.

ТҮРКПА Сайлауды бақылау жөніндегі миссиясы Қазақстан Республикасының Астана және Алматы қалаларында бақылау жұмыстарын жүргізуде. Миссияның Алматы тобының құрамына Әзербайжан Республикасы Милли Межлисінің депутаты Хикмат Маммадов, Қырғыз Республикасы Жогорку Кенешінің депутаты Улукбек Карыбек уулу, Түркия Ұлы Ұлттық Мәжілісінің депутаты Филиз Кылыч, ТҮРКПА Бас хатшы орынбасарының міндетін атқарушы Бектұр Базакеев, ТҮРКПА комиссиясының хатшысы Кадир Яман, ТҮРКПА Халықаралық хатшылығының құқықтық мәселелер жөніндегі қызметкері Азар Маммадов, сондай-ақ делегация хатшысы, Түркия Ұлы Ұлттық Мәжілісінің Сыртқы байланыстар және хаттама департаментінің қызметкері Юнус Эмре Үнал кірді.