ТҮРКПА ҚҚ ПЖ 4-ші конференциясына қатысты

2025 жылғы 6 сәуірде Бас хатшы Мехмет Сүрейя Эр бастаған ТҮРКПА делегациясы Парламентаралық Одақтың (ПАО) 150-ші Ассамблеясының шеңберінде Өзбекстанның Ташкент қаласында өткен Қосылмау қозғалысының Парламенттік желісінің (ҚҚ ПЖ) Төртінші конференциясына қатысты. Бандунг принциптерінің 70 жылдығына арналған конференция 70 елден және 15 халықаралық ұйымнан 300-ден астам қатысушыны, соның ішінде Парламент басшылары мен басқа да жоғары деңгейдегі өкілдерді біріктірді. Өзінің кіріспе сөзінде ҚҚ ПЖ Төрайымы, Әзербайжан Республикасы Милли Меджлисінің Төрайымы Сагиба Гафарова егемендік, аумақтық тұтастық, араласпау, ұлттар арасындағы теңдік сияқты Бандунг принциптерінің тұрақты өзектілігін атап өтіп, халықаралық құқықты дамытудағы парламенттер мен әділеттіліктің маңызды рөліне назар аударды. Ол Әзербайжанның 2019 жылдан 2024 жылға дейін ҚҚ-ға төрағалығын еске түсіріп, оның барысында Президент Ильхам Әлиев Бандунг принциптеріне басымдық беріп, пікірлестік пен ынтымақтастықты ілгерілету үшін негізгі бастамаларға құрушы болды және Қозғалыстың Парламенттік Желісін құруға бастама жасады. Конференцияда Парламент басшылары мен жоғары деңгейдегі лауазымды тұлғалар, соның ішінде ПАО Президенті Тулия Аксон, ПАО Бас хатшысы Мартин Чунгонг, Өзбекстан Республикасы Олий Мажлисі Сенатының Төрайымы Танзила Нарбаева, Түркия Ұлы Ұлттық Жиналысының Төрағасы Нуман Куртулмуш және басқа да Парламент басшыларының дәйекті түрде сөз сөйлеуі болды. Бас хатшы Мехмет Сүрейя Эр де конференцияда сөз сөйлеп, бүгінгі геосаяси контекстте Бандунг принциптерінің өзектілігін атап өтті. Ол бейбітшілікті, көпжақтылықты және тұрақты дамуды ілгерілетудегі парламенттік дипломатияның маңыздылығын білдірііп, ТҮРКПА-ның Бандунг Рухымен сәйкес келетін идеалдары мен құндылықтарына адалдығын айтты. Ол Әзербайжанның ҚҚ ПЖ-ға төрағалығы кезіндегі, әсіресе, Бандунг принциптерін ілгерілетудегі және халықаралық аренадағы Қозғалыстың беделін арттырудағы және Қозғалыстың одан әрі институционалдық дамуындағы, соның ішінде Қозғалыстың Парламенттік Желісі мен Жастар ұйымын құрудағы шешуші рөлін, сондай-ақ Әйелдер платформасын құру туралы ұсынысын атап өтті. Конференция Желінің институционалдық негіздерін нығайтуға, Баку Климат Пакті мен COP29 нәтижелеріне, сондай-ақ Батыс Әзербайжан қоғамдастығын қоса алғанда, қоныс аударған адамдардың қауіпсіз, ерікті және лайықты оралу құқығына қолдау көрсететін Ташкент Декларациясын қабылдаумен аяқталды. 2021 жылы құрылғаннан бері ҚҚ ПЖ көпжақты диалогты тереңдету және Бандунг рухынан бастау алатын ортақ құндылықтарды ілгерілетудің маңызды механизміне айналды. ТҮРКПА мен ҚҚ ПЖ бір-біріне бақылаушы мәртебесіне ие.