ТҮРКПА Парламенттик ассамблеялардын терроризмге каршы күрөшүү боюнча төртүнчү координациялык жыйынына жана саясат боюнча экинчи диалогго катышты

2023-жылдын 4-5-октябрында Башкы катчынын орун басары Фуад Алакбаров жана Укуктук маселелер жана эл аралык байланыштар боюнча комиссиянын катчысы Кадир Яман Венада Катар Мамлекетинин Шура Кеңешинин колдоосу астында Бириккен Улуттар Уюмунун Терроризмге каршы башкармалыгы (БУУ ТКБ) менен Европадагы Коопсуздук жана Кызматташтык Уюмунун Парламенттик Ассамблеясы (ЕККУ ПА) менен биргелешип уюштурган жыйындарга катышты. Австриянын Улуттук Кеңешинин Президенти Вольфганг Соботка, Катар Мамлекетинин Шура Кеңешинин мүчөсү доктор Али бин Фетаис Альмарри, ЕККУ ПАнын Вице-президенти, Парламенттик ассамблеялардын терроризмге каршы күрөшүү жана координациялоо механизми боюнча атайын комитетинин Төрагасы Рейнхольд Лопатка жана жана БУУнун Терроризмге каршы күрөшү боюнча борборунун директору Мауро Миедико иш-чаранын ачылышында сөз сүйлөдү. Иш-чарага кеңири географиялык аймактан он алты парламенттик ассамблеянын өкүлдөрү катышты. ТҮРКПАнын делегациясы Парламенттик ассамблеялардын ортосундагы кызматташтыкты кеңейтүүгө багытталган терроризмдин алдын алуу жана ага каршы аракеттенүү жаатында кызматташуу боюнча Төртүнчү антитеррордук координациялык кеңешменин алкагындагы сессияларга, ошондой эле Зомбулук экстремизмдин алдын алуу жана ага каршы туруу боюнча экинчи парламенттик саясий диалогго катышты. Иш-чаранын жүрүшүндө терроризм жана экстремизмге каршы күрөшүү маселелери талкууланды. ТҮРКПАнын делегациясы Ассамблеянын алкагында бул багыттагы ишмердиги тууралуу маалымат берди. Иш-чаранын алкагында ТҮРКПАнын делегациясы ЕККУ ПАдагы түрк делегациясынын мүчөсү, Терроризмге каршы күрөшүү боюнча атайын комитеттин Төрагасынын орун басары, профессор Камил Айдын менен жолугушту. Программада ошондой эле Австриянын Улуттук Кеңешинин имаратына баруу да камтылган.