ТҮРКПА Парламентші әйелдерінің Жаһандық конференциясына қатысты

2024 жылғы 26 мен 27 маусымда Әзербайжан Республикасы Милли Меджлисінің депутаты Малахат Ибрагимгызы, Түркия Ұлы Ұлттық Жиналысының депутаты Зейнеп Йылдыз және ТҮРКПА Қоршаған орта, табиғи ресурстар және денсаулықты сақтау жөніндегі комиссиясының хатшысы Айнура Абуталибовадан тұратын ТҮРКПА делегациясы Біріккен Ұлттар Ұйымының Терроризмге қарсы басқармасы (БҰҰ ТҚБ) және Дохада орналасқан БҰҰ-ның Терроризмнің алдын алу және оған қарсы тұруға парламенттік қатысу жөніндегі бағдарламалық кеңсесі Катар мемлекетінің Доха қаласында Шура Кеңесімен бірлесіп ұйымдастырған Парламентші әйелдердің Жаһандық конференциясына қатысты. Конференция «Терроризмге қарсы іс-қимылды қадағалау және зорлық-зомбылық экстремизмның алдын алу туралы заңнаманы, саясатты және стратегияларды әзірлеу мен жүзеге асырудағы парламентші әйелдердің рөлі» тақырыбымен өтті. Екі күндік іс-шараға парламентші әйелдер –БҰҰ ТҚБ мүше мемлекеттердің ұлттық парламенттерінің мүшелері мен бұрынғы мүшелері, парламенттердің қауіпсіздік және қорғаныс жөніндегі комитеттерінің мүшелері, парламенттік ассамблеялардың өкілдері, парламенттік ассамблеялардың терроризмге қарсы үйлестіру тетігінің мүшелері, БҰҰ агенттіктерінің өкілдері – БҰҰ әйелдерінің, БҰҰ Даму бағдарламасының (БҰҰДБ), Терроризмге қарсы комитеттің Атқарушы дирекциясының (ТҚКАД), Біріккен Ұлттар Ұйымының Адам құқықтары жөніндегі Жоғарғы Комиссарының кеңсесінің (БҰҰ АҚЖКК), азаматтық қоғам ұйымдарының өкілдері және халықаралық ғылыми және академиялық институттардың жетекші сарапшылары жиналды. Ашылу отырысына Шура Кеңесінің Төрағасы Хасан бен Абдулла Әл-Ғаним, Шура Кеңесі Төрағасының орынбасары доктор Хамда бен Хасан Әл-Сулайти және конференцияға қатысушы ұлттық парламенттердің, парламенттік одақтардың, тиісті аймақтық және халықаралық ұйымдардың өкілдері қатысты. Конференция терроризмге қарсы іс-қимылға және терроризмге ықпал ететін зорлық-зомбылық экстремизмнің (ТҚІ/ТЫЗЗЭ) алдын алуға байланысты ұлттық заңдар мен саясатты әзірлеудің барлық кезеңдерінде әйел парламентарийлердің тең және мағыналы қатысуына ілгерілетуге, ТҚІ/ТЫЗЗЭ заңнамасын, саясаттары мен стратегияларын әзірлеуде, жүзеге асыру мен қадағалауда парламентарийлердің рөлін күшейтуге және ТҚІ/ТЫЗЗЭ Парламентші әйелдердер желісін құруға жәрдемдесуге бағытталды. Конференцияның маңызды мақсаты саясат пен заңнаманы әзірлеу мен жүзеге асыруда әйел парламентарийлердің қатысуын арттыру, әртүрлі елдердің парламентші әйелдері арасында білім мен озық тәжірибе алмасу, терроризммен күресте әйелдер рөлінің маңыздылығы туралы хабардар болу мен білім беруді ілгерілету болды. ТҮРКПА делегациясының мүшелері Малахат Ибрагимгызы мен Зейнеп Йылдыз «Қиындықтар, олқылықтар және қажетті шаралар» және «Үйлестіру және серіктестік» сессияларында терроризм мен зорлық-зомбылық экстремизміне қарсы стратегияларды әзірлеуде әйелдердің рөлі туралы үздік тәжірибелерді көрсететін баяндамалар жасады.