ТҮРКПА Парламентші әйелдер тобының бесінші отырысы

2026 жылғы 19 қазанда Бішкек қаласында Түркі мемлекеттерінің Парламенттік Ассамблеясының (ТҮРКПА) он бесінші жалпы отырысы аясында «Әйелдер және мәдени дипломатия: тіл мен ортақ дәстүрлер арқылы бірлікті нығайту» тақырыбында ТҮРКПА Парламентші әйелдер тобының бесінші отырысы өтті.

Отырысқа Топ жетекшісі, Қазақстан Республикасы Құрылтайының депутаты Айжан Темірбаева төрағалық етті. Іс-шараға ТҮРКПА-ға мүше мемлекеттердің парламентші әйелдері қатысып, отырыстың негізгі тақырыбы бойынша пікір алмасты.

Отырыста Әзербайжан парламентінің депутаты Тамам Джафарова, Қазақстан парламентінің депутаты Айжан Темірбаева, Қырғызстан парламентінің депутаты Медина Қайрылбекова, Түркия парламентінің депутаты Зейнеп Йылдыз, сондай-ақ ТҮРКПА Бас хатшысының орынбасары Бектұр Базакечов сөз сөйледі.

Талқылаулар барысында мәдени дипломатияны ілгерілетудегі, ортақ мәдени мұраны сақтаудағы және тіл мен дәстүрлер арқылы ТҮРКПА-ға мүше мемлекеттер арасындағы бірлікті нығайтудағы әйелдердің рөліне ерекше назар аударылды. Қатысушылар мәдениетаралық диалогты кеңейту, тілдік әралуандықты қолдау, сондай-ақ әйелдердің мәдени алмасу мен қоғамдық дипломатия салаларына белсенді қатысуын ынталандыру мәселелері бойынша пікір алмасты.

Отырыс қорытындысы бойынша Топ тиісті баяндама мен ұсынымдарды қабылдады. Сонымен қатар ТҮРКПА Парламентші әйелдер тобының алтыншы отырысын Түркия Республикасында ТҮРКПА-ның он алтыншы жалпы отырысы аясында «Цифрлық дәуірдегі әйелдер көшбасшылығы: әйелдердің саясаттағы, экономикадағы және қоғамдағы мүмкіндіктерін кеңейту» тақырыбында өткізу туралы шешім қабылданды.

Отырыстың жұмысын ТҮРКПА Парламентші әйелдер тобының атқарушы хатшысы және Комиссия хатшысы Айнура Абуталибова үйлестірді.