ТҮРКПА Өзбекстандағы Ислам өркениеті орталығының таныстыру рәсіміне қатысты

2026 жылғы 26 қазанда ТҮРКПА Бас хатшысының орынбасары Бектур Базакечов Әзербайжан Республикасының Баку қаласында өткен Өзбекстандағы Ислам өркениеті орталығының таныстыру рәсіміне қатысты.

Таныстыру рәсіміне Әзербайжан мен Өзбекстанның мемлекеттік органдарының өкілдері, дипломатиялық корпус мүшелері, екі елдің парламент депутаттары, діни қайраткерлер, көрнекті ғалымдар, зерттеушілер және мәдениет саласының сарапшылары қатысты.

Іс-шара барысында Өзбекстан Республикасының Президенті Шавкат Мирзиёевтің бастамасымен құрылған Өзбекстандағы Ислам өркениеті орталығының қызметі мен мақсат-міндеттері таныстырылды.

Орталықтың ұлы бабаларымыздың ғылыми және рухани мұрасын зерттеуге, ислам өркениетінің әлемдік ғылым мен мәдениеттің дамуына қосқан баға жетпес үлесін көрсетуге, сондай-ақ осы бай мұраны келешек ұрпаққа жеткізуге қызмет ететін маңызды ғылыми-мәдени мекеме екені атап өтілді.

Іс-шара аясында «Өзбекстан мен Әзербайжан: ортақ тарихи мұра, ислам өркениеті және қазіргі заманғы ғылыми ынтымақтастық» тақырыбында халықаралық конференция да өтті.