ТҮРКПА «Орталық Азия және жасанды интеллекттің жаһандық этикасы: сын-қатерлер мен перспективалар» атты халықаралық конференцияға қатысты

2025 жылғы 23 сәуірде Астанада ЮНЕСКО-ның Алматыдағы Аймақтық кеңсесімен бірлесіп, Қазақстан Республикасы Президенттік орталығы ұйымдастырған «Орталық Азия және жасанды интеллекттің жаһандық этикасы: сын-қатерлер мен перспективалар» атты халықаралық конференцияға ТҮРКПА Бас хатшысының орынбасары Сакы Садыков бастаған ТҮРКПА делегациясы қатысты. Конференцияда мемлекеттік басқару, білім беру, денсаулық сақтау, ғылым және цифрлық экономика салаларында жасанды интеллектті қолданудағы этикалық негіздер мен халықаралық ынтымақтастық талқыланды. Конференция жасанды интеллект эволюциясын және осы технологияны әлеуметтік салаларда этикалық қолдануды талқылау алаңы болды. Шараға саясаткерлер, азаматтық қоғам ұйымдарының өкілдері, халықаралық ұйымдардың делегаттары, жасанды интеллект зерттеушілері, академиктер, бағдарламалық жасақтама сарапшылары мен осы салада жұмыс істейтін инженерлер жиналды. Конференцияда ТҮРКПА Бас хатшысының орынбасары Сакы Садыков та баяндама жасады. Ол өз сөзінде «Алгоритмдер қаншалықты ашық? Жасанды интеллект қателеріне кім жауапты? Жасанды интеллект әлеуметтік теңсіздікті арттыра ма?» және басқа да әмбебап этикалық сұрақтарды қоя отырып, жасанды интеллекттің қоғамда жасайтын пайдасы мен зиянын атап өтті. Садыков киберқауіпсіздікті күшейту және халықтың хабардарлығын арттыру қажеттігін баса айта отырып, Орталық Азия аймағының мәдени құндылықтары мен дәстүрлерін ескеретін ЖИ этикалық негізін жасайтын арнайы құқықтық реттеулерді енгізуге шақырды. ТҮРКПА делегациясы Президенттік мәдениет және мұражай орталығындағы мұражайды да аралады. Экскурсиядан кейін Садыков мырза мұражайдың естелік кітабына естелік жазба жазды. Бас хатшының орынбасары Сакы Садыковпен бірге ТҮРКПА Хатшылығының қызметкері, ТҮРКПА Жас парламентшілер тобының атқарушы хатшысы Серхат Үйсал болды.