ТҮРКПА-ның Сайлауды бақылау жөніндегі миссиясы Әзербайжан ОСК Төрағасымен кездесті

2024 жылғы 6 ақпанда Әзербайжанда Қазақстан, Қырғызстан және Түркия парламенттерінің депутаттарынан, сондай-ақ ТҮРКПА Хатшылығының өкілдерінен тұратын ТҮРКПА Сайлауды бақылау жөніндегі миссиясы өз жұмысын бастады. Бақылау бағдарламасы аясында ТҮРКПА Құқықтық мәселелер және халықаралық қатынастар жөніндегі комиссиясының Төрағасы, Түркия Ұлы Ұлттық Жиналысының мүшесі Осман Местен бастаған Миссия Әзербайжан Республикасы Орталық сайлау комиссиясының (ОСК) Төрағасы Мазахир Панаховпен кездесті. Кездесу барысында ОСК Төрағасы алғаш рет азат етілген аумақтарда сайлау өткізілетінін және азаматтар осы аумақтарда құрылған 26 сайлау учаскесінде дауыс беретінін атап өтті. Панахов мырза мерзімінен бұрын президенттік сайлаудың ерекшеліктері, оның ішінде сайлаушылар мен кандидаттарды тіркеу, сондай-ақ сайлаушылар мен бақылаушылар үшін жасалған жағдайлар туралы айтып берді. Осы тұрғыда ол сайлауға қатысу үшін 90 000-нан астам бақылаушы аккредиттелгенін хабарлады. ТҮРКПА бақылаушылары сайлауды алғаш рет бүкіл ел аумағында өткізудің ерекше маңыздылығын атап өтті. Миссия дауыс беру күні азат етілген аумақтардағы сайлау барысына да бақылау жүргізетінін білдіріді. Миссия алдағы сайлауды өткізуде сәттілік тіледі.