ТҮРКПА мүше парламенттердің денсаулық сақтау мәселелері жөніндегі комитеттері басшыларының екінші отырысына қатысушылар ТҮРКПА Хатшылығында болды

2025 жылғы 22 қаңтарда ТҮРКПА мүше парламенттердің денсаулық сақтау мәселелері жөніндегі комитеттері басшыларының екінші отырысына қатысушылар ТҮРКПА Хатшылығына келді. ТҮРКПА мүше және бақылаушы мемлекеттер, сондай-ақ Өзбекстан парламентшілерінен құралған делегацияны Бас хатшы Мехмет Сүрейя Эр қарсы алды. Хатшылықта өткен кездесу барысында делегациялар жылы қарсы алғаны үшін алғысын білдірді. Кездесуде денсаулық сақтау мәселелері жөніндегі комитеттер басшыларының екінші отырысының қорытындылары және денсаулық сақтау саласындағы ынтымақтастық перспективалары талқыланды. Кездесу барысында қонақтар Хатшылық ғимаратымен және жұмыс ортасымен де танысты.