ТҮРКПА Миссиясы Қазақстан Сыртқы істер министрінің орынбасарымен кездесті

2026 жылғы 20 тамызда Қазақстан Республикасы Құрылтайының депутаттарын сайлауды бақылау бағдарламасы аясында ТҮРКПА-ның Құқықтық мәселелер мен халықаралық қатынастар комиссиясының төрағасы, Түркия Ұлы Ұлттық Мәжілісінің депутаты Осман Местен мырза бастаған ТҮРКПА Сайлауды бақылау жөніндегі миссиясы Қазақстан Республикасы Сыртқы істер министрінің орынбасары Арман Исағалиев мырзамен кездесті.

Миссияны қарсы алған Сыртқы істер министрінің орынбасары Арман Исағалиев делегацияға алдағы сайлауға дайындық барысы және халықаралық байқаушылардың жұмысы туралы ақпарат берді. Ол Қазақстанның ұлттық заңнамаға сәйкес ашық әрі айқын сайлау үдерісін өткізуге бейілді екенін атап өтті.

Өз кезегінде Миссия басшысы Осман Местен мырза Арман Исағалиев мырзаны Қазақстан Республикасы Сыртқы істер министрінің орынбасары қызметіне тағайындалуымен құттықтап, алдағы қызметіне толағай табыс тіледі. Сондай-ақ Местен мырза Миссия қызметін жүзеге асыруға көрсеткен қолдауы үшін қазақстандық тарапқа ризашылығын білдірді.

Тараптар Түркі мемлекеттері ұйымы (ТМҰ) және ТҮРКПА шеңберіндегі ынтымақтастық тетіктерін талқылап, осы бағыттағы өзара іс-қимылды одан әрі нығайтуға мүдделі екендерін растады.

Кездесуге ТҮРКПА Бас хатшысының орынбасарлары Талғат Адуов пен Мұхаммет Алпер Хаяли де қатысты.