ТҮРКПА Миссиясы Қазақ Парламенті Мәжілісінің Төрағасымен кездесті
Күн
Көрілім
165
2022 жылдың 3 маусымында Түркия Ұлы Ұлттық Жиналысының депутаты Режеп Шекер мырза бастаған, Әзербайжан, Қырғызстан және Түркия парламентшілерінен, сондай-ақ ТҮРКПА Хатшылығының өкілдерінен құралған ТҮРКПА Референдумды бақылау миссиясы Қазақстанда өз жұмысын бастады.
Миссия ТҮРКПА-ның Іс басындағы Төрағасы, Қазақстан Республикасы Парламенті Мәжілісінің Төрағасы Ерлан Қошанов мырзамен кездесті.
Парламент басшысы кездесудің ел үшін маңызды тарихи кезең қарсаңында өтіп жатқанын атап өтті. Қошанов мырза референдумды халықаралық байқаудың маңыздылығын атап өтіп, ТҮРКПА Миссиясына референдумды өткізу кезінде атқарған қызметі үшін алғысын білдірді.
Миссия мүшелері Конституциялық реформалар елдің одан әрі дамуына серпін беріп, бауырлас Қазақстан халқы мен бүкіл Түркі әлемі үшін оң өзгерістердің бастауы болатынына сенім білдірді.
Кездесу барысында тараптар Ассамблея аясындағы парламентаралық ынтымақтастықты нығайту жөнінде пікір алмасты.
