ТҮРКПА минаға қарсы іс-қимыл мәселелері жөніндегі IV халықаралық конференцияға қатысты

2026 жылғы 2–3 қыркүйекте Баку қаласында (Әзербайжан) өткен «Қалаларды қалпына келтіру үшін гуманитарлық минасыздандыру: қауіпсіз елді мекендер үшін озық стандарттарды белгілеу» атты минаға қарсы іс-қимыл мәселелері жөніндегі IV халықаралық конференцияға ТҮРКПА-ның Білім, мәдениет, әлеуметтік және гуманитарлық мәселелер жөніндегі комиссиясы хатшысының міндетін атқарушы Мирлан Үсенканов қатысты.

Конференция мемлекеттердің, халықаралық ұйымдар мен мамандандырылған мекемелердің өкілдерін біріктіріп, гуманитарлық минасыздандыру, халықаралық ынтымақтастық, миналардан зардап шеккен аумақтарды қалпына келтіру, донорлық қолдау, сондай-ақ заманауи технологиялар мен инновациялық тәсілдерді қолдану мәселелерін талқылауға мүмкіндік берді.

Қалаларды қауіпсіз қалпына келтіруге, зардап шеккен қауымдастықтарды қолдауға, әлеуметтік және экономикалық реинтеграцияға, сондай-ақ минаға қарсы іс-қимыл саласындағы ұлттық тәжірибемен алмасуға ерекше назар аударылды.

ТҮРКПА-ның конференцияға қатысуы тәжірибе алмасуға және миналардан зардап шеккен аумақтарды қауіпсіз әрі орнықты қалпына келтіруге бағытталған халықаралық ынтымақтастықты нығайтуға ықпал етті.