ТҮРКПА «Маданияттар диалогу: Казакстан – Азербайжан» көргөзмөсүнө катышты

2026-жылдын 6-майында ТҮРКПАнын Башкы катчысынын орун басарлары Талгат Адуов мырза, Бектур Базакечов мырза жана Мухаммет Алпер Хаяли мырза «Маданияттар диалогу: Казакстан – Азербайжан» аталышындагы көргөзмөнүн ачылыш аземине катышты.

Казакстан Республикасынын Азербайжан Республикасындагы Элчилиги тарабынан уюштурулган көргөзмөгө Казакстан Республикасынын Абылхан Кастеев атындагы Улуттук сүрөт өнөрү музейинин коллекциясындагы сүрөттөр коюлду.

Көргөзмө сүрөт өнөрү сүйүүчүлөрүн, дипломаттарды, маданият ишмерлерин жана башка конокторду бириктирип, аларга Абылхан Кастеевдин чыгармачылык мурасы жана анын түрк дүйнөсүнүн маданий мурасына кошкон салымы менен таанышууга мүмкүнчүлүк түздү.