ТҮРКПА КМШ ПАА ДӨМЭИ Баку филиалы уюштурган тегерек столго катышты

2024-жылдын 31-октябрында Башкы катчынын орун басары Фуад Алекперов Демократияны, парламентаризмди өнүктүрүүгө мониторинг жүргүзүү жана жарандардын шайлоо укуктарын коргоо эл аралык институтунун (КМШ ПАА ДӨМЭИ) Бакудагы филиалы тарабынан уюштурулган "Азербайжан Республикасында демократияны жана парламентаризмди өнүктүрүүдө саясий партиялардын ролу" аттуу тегерек столго катышты. Иш-чара КМШ ПАА ДӨМЭИ Баку филиалынын директору Рамин Рзаевдин ачылыш сөзү менен башталып, тегерек столдун максаты тууралуу кыскача маалымат берилди. Ал ошондой эле КМШга мүчө мамлекеттер менен, атап айтканда гуманитардык, маданий, илимий, билим берүү, социалдык жана башка тармактарда кызматташтыктын кеңейип өнүгүп келүүсү Азербайжан Республикасынын Президенти Илхам Алиевдин ийгиликтүү тышкы саясатында айкын байкалып жатканын баса белгиледи. Иш-чарага Азербайжан Республикасынын Милли Межлисинин мүчөлөрү, саясий партиялардын, мамлекеттик органдардын, эл аралык жана өкмөттүк эмес уюмдардын, илимий чөйрөлөрдүн өкүлдөрү жана башка эксперттер катышты. Тегерек стол иш-чаранын жыйынтыктоочу документине сунуштарды киргизүү менен аяктады.