ТҮРКПА Ислам азык-түлүк коопсуздугу уюмунун 7-Башкы ассамблеясына катышты

2026-жылдын 14-майында ТҮРКПАнын Укуктук маселелер жана эл аралык мамилелер боюнча комиссиясынын катчысы, доктор Кадыр Яман онлайн форматта өткөрүлгөн Ислам азык-түлүк коопсуздугу уюмунун (ИАКУ) «Кызматташтык жана инновациялар аркылуу азык-түлүк коопсуздугун камсыз кылуу» аталышындагы 7-Башкы ассамблеясына катышты.

Ассамблея Ислам Кызматташтык Уюмуна мүчө мамлекеттердин айыл чарба жана азык-түлүк коопсуздугу маселелерине жооптуу министрлерин жана жогорку даражалуу өкүлдөрүн бириктирди. Жыйындын жүрүшүндө азык-түлүк коопсуздугун чыңдоо, айыл чарбасын туруктуу өнүктүрүүгө көмөк көрсөтүү жана ИКУ аймагында инновациялык ыкмаларды жайылтуу боюнча негизги маселелер талкууланды. Ошондой эле иш-чара көп тараптуу кызматташтыкты кеңейтүү, айыл чарбасынын туруктуулугуна жана азык-түлүк системаларына таасир эткен учурдагы көйгөйлөрдү чечүү боюнча пикир алмашуу үчүн маанилүү аянтча болду.

ТҮРКПА менен ИАКУнун ортосундагы мамилелер 2021-жылы эки уюмдун ортосунда кызматташуу жөнүндө өз ара түшүнүшүү меморандумуна кол коюлгандан кийин жаңы баскычка көтөрүлдү. Бул документ өз ара кызыкчылык туудурган багыттардагы институттар аралык диалогду жана кызматташтыкты мындан ары чыңдоого өбөлгө түздү.