ТҮРКПА «Егемен Әзербайжан: бизнестегі жаңа бағыттар» атты конференцияға қатысты

2025 жылғы 24 желтоқсанда Баку қаласында Әзербайжан Түркия Бизнес Қауымдастығы (ATIB) ұйымдастырған «Егемен Әзербайжан: бизнестегі жаңа бағыттар» атты конференцияға ТҮРКПА Бас хатшысының орынбасары Мұхаммет Алпер Хаяли қатысты. Іс шараға Әзербайжан Түркия Бизнес Қауымдастығының төрағасы Мұрсал Рүстәмов, Шағын және орта бизнесті дамыту агенттігі басқармасының төрағасы Орхан Маммадов, Әзербайжан Кәсіпкерлер Конфедерациясының президенті Маммад Мусаев, сондай ақ тиісті мемлекеттік және қоғамдық мекемелердің өкілдері қатысты. Өз сөзінде ATIB төрағасы Мұрсал Рүстәмов қауымдастық мүшелерінің құрылыс, инфрақұрылым және әлеуметтік жобаларға, оның ішінде азат етілген аумақтарда жүзеге асырылып жатқан бастамаларға белсенді түрде қатысып келе жатқанын атап өтті. Ол аталған қызметтердің экономикалық дамуға және Әзербайжан мен Түркия арасындағы стратегиялық әріптестіктің нығаюына елеулі үлес қосып отырғанын жеткізді. Конференция қатысушылары азат етілген аумақтарда жүргізіліп жатқан қайта қалпына келтіру жұмыстары мен мемлекет бастамасымен іске асырылып жатқан инфрақұрылымдық жобалардың бизнес үшін тұрақты және қолайлы орта қалыптастырып отырғанын атап өтті. Бұл өз кезегінде бірлескен бастамалар мен инвестицияларды, соның ішінде түрік компанияларының белсенді қатысуын ынталандырып, тұрақты экономикалық өсім мен Әзербайжан Түркия арасындағы стратегиялық экономикалық әріптестікті одан әрі нығайтуға ықпал ететіні айтылды. Конференция одан әрі баяндамалармен жалғасты.