ТҮРКПА "Дипломатиялык протокол боюнча колдонмо"нун бет ачар аземине катышты

2023-жылдын 16-декабрында Башкы катчынын орун басарынын милдетин аткаруучу Сакы Садыков жана Укуктук маселелер жана эл аралык байланыштар боюнча комиссиянын катчысы Кадир Яман Азербайжан Республикасынын Тышкы иштер министрлиги тарабынан Улуттук лидер Гейдар Алиевдин 100 жылдыгын белгилөөнүн алкагында даярдалган жаңы "Дипломатиялык протокол боюнча колдонмо"нун бет ачар аземине катышты. "ADA" университетинде өткөрүлгөн иш-чарага Тышкы иштер министрлигинин өкүлдөрү, Бакуда аккредиттелген дипломатиялык миссиялардын жана эл аралык уюмдардын жетекчилери жана өкүлдөрү катышты. Тышкы иштер министрлигинин Мамлекеттик протокол башкармалыгынын башчысы Анар Наджафли өз сөзүндө Азербайжанда аккредиттелген чет мамлекеттердин дипломатиялык өкүлчүлүктөрүнүн жана эл аралык уюмдардын мүчөлөрүнүн иммунитетин жана артыкчылыктарын чагылдырган "Дипломатиялык протокол боюнча колдонмо" тууралуу маалымат менен бөлүштү. Иш-чаранын жүрүшүндө Азербайжандын улуттук лидери Гейдар Алиевдин 1993-2003-жылдардагы тышкы саясатын чагылдырган видеотасма көрсөтүлдү.