ТҮРКПА делегациясы Солтүстік Кипр Түрік Республикасы Парламентінің Төрағасымен кездесті

Түркі мемлекеттерінің Парламенттік Ассамблеясы (ТҮРКПА) Халықаралық хатшылығының Бас хатшысының міндетін атқарушы орынбасары Бектұр Базакеевтің жетекшілігіндегі делегация Солтүстік Кипр Түрік Республикасы (СКТР) Парламентінің Төрағасы Зия Өзтүрклердің шақыруымен СКТР-ға сапармен барды. ТҮРКПА Бас хатшысының атынан келген делегация 2026 жылғы 19–21 шілде аралығында 20 шілде – Бейбітшілік пен бостандық күніне арналған 52 жылдық мерейтойлық іс-шараларға қатысуда.

2026 жылғы 19 шілдеде ТҮРКПА Халықаралық хатшылығының делегациясы Солтүстік Кипр Түрік Республикасы Парламентінің Төрағасы, мәртебелі Зия Өзтүрклермен кездесті.

Кездесу достық және өзара түсіністік рухында өтті. Оның барысында ТҮРКПА мен СКТР арасындағы ынтымақтастықты одан әрі нығайту мәселелері, сондай-ақ СКТР-дың ТҮРКПА жанындағы байқаушы мәртебесі шеңберіндегі қызметінің алдағы бағыттары жөнінде пікір алмасылды.

Кездесуге сондай-ақ ТҮРКПА-ның Құқықтық мәселелер және халықаралық қатынастар жөніндегі комиссиясының хатшысы, доктор Қадыр Яман қатысты.