ТҮРКПА Бірінші түркологиялық конгрестің 100 жылдығына арналған іс-шараға қатысты

2026 жылғы 29 маусымда ТҮРКПА Бас хатшысының орынбасары Талғат Адуов мырза «Түркі әлемі апталығы» аясында Бірінші түркологиялық конгрестің 100 жылдығына орай ұйымдастырылған «Бірінші түркологиялық конгресс: ғылыми және мәдени мұраның бір ғасыры» атты халықаралық конгреске қатысты.

Ғылыми және мәдени іс-шаралар топтамасынан тұратын Апта Әзербайжан Республикасының Президенті, Жоғары Мәртебелі Ильхам Әлиевтің 2025 жылғы 22 қазанда қол қойған «Бірінші түркологиялық конгрестің 100 жылдығын атап өту туралы» Өкіміне сәйкес өткізілуде. Іс-шараны Әзербайжан Республикасының Мәдениет министрлігі, Әзербайжан Ұлттық ғылым академиясы және Ғылым және білім министрлігі Түркі мемлекеттері ұйымы, ТҮРКСОЙ, Баку мемлекеттік университеті, Түркі академиясы және Түркі мәдениеті мен мұрасы қорының әріптестігімен бірлесіп ұйымдастырды.

Конгресс аясында «Түркі әлемі – бір отбасы: ортақ мақсаттар жолындағы халықаралық түркі ынтымақтастық ұйымдарының қызметі» атты пленарлық отырыс және «Түркі тілдерінің даму динамикасы: тарихи-филологиялық перспективалар» атты панельдік сессия өтті.

Іс-шара барысында қатысушылар түркі мемлекеттері арасындағы ынтымақтастықты нығайту, түркі тілдерінің дамуын ілгерілету, сондай-ақ олардың ортақ тарихи және мәдени мұрасын сақтау мәселелері бойынша пікір алмасты.