ТҮРКПА Бас хатшысы Әділет және даму партиясы Төрағасының орынбасары Күршад Зорлумен кездесті

2026 жылғы 16 маусымда Түркі мемлекеттері Парламенттік Ассамблеясының Бас хатшысы, Елші Рамиль Гасан Түркия Республикасындағы ресми кездесулері аясында Әділет және даму партиясы (AK Parti) Төрағасының Түркі мемлекеттерімен байланыстар жөніндегі орынбасары әрі Түркия Парламентінің депутаты Күршад Зорлумен кездесу өткізді.

Кездесу барысында ТҮРКПА-ның ағымдағы жобалары, осы уақытқа дейін атқарылған жұмыстары, түркі мемлекеттерінің заң шығарушы органдары арасындағы ынтымақтастықты дамыту, парламентаралық қатынастарды жаңа кезеңге көтеру, сондай-ақ ұйымның алдағы қызмет бағыттары мен жоспарлары жөнінде кең ауқымды пікір алмасу өтті.

Өз кезегінде Күршад Зорлу ұйымның белсенді қызметі үшін Елші Рамиль Гасанға ризашылығын білдіріп, бауырлас түркі мемлекеттері арасындағы қатынастарды ілгерілету және Түркі мемлекеттері ұйымымен үйлестірілген ынтымақтастықты қамтамасыз ету бағытында атқарылып жатқан жұмыстарға жоғары баға берді. Сонымен қатар, Күршад Зорлу осы бағытта жан-жақты қолдау көрсетуге дайын екенін тағы да атап өтті.

Кездесуге Бас хатшымен бірге Бас хатшының орынбасары Мұхаммет Алпер Хаяли қатысты.