ТҮРКПА бақылаушылары Түркияның жоғары сайлау кеңесінің төрағасымен кездесті

Әзербайжан мен Қазақстан парламентшілерінен, сондай-ақ ТҮРКПА Хатшылығының өкілдерінен тұратын ТҮРКПА Сайлауды бақылау жөніндегі миссиясы 2023 жылғы 28 мамырда өтетін президенттік сайлаудың екінші кезеңіне қысқа мерзімді мониторинг жүргізу үшін Түркия Республикасында өз жұмысын бастады. Миссияны Әзербайжан Республикасының Милли Меджлисі Денсаулық сақтау комитетінің Төрағасы және ТҮРКПА Қоршаған орта, табиғи ресурстар және денсаулық сақтау жөніндегі комиссиясының Төрағасы Ахлиман Амирасланов басқарды. ТҮРКПА Миссиясы өзінің бақылау бағдарламасы аясында 27 мамырда Түркия Республикасы Жоғары сайлау кеңесінің (ЖСК) Төрағасы Ахмет Йенермен кездесті. ЖСК Төрағасы ТҮРКПА бақылаушыларын сайлаудың екінші кезеңіне дайындық барысы туралы хабардар етіп, Миссияның сұрақтарына жауап берді. Миссия демократиялық, әділ және ашық сайлау өткізуде табыс тіледі.