ТҮРКПА бақылаушылары Қазақстан ОСК Төрағасымен кездесті

2023 жылдың 17 наурызында Түркияның Ұлы Ұлттық Жиналысының депутаты Режеп Шекер бастаған ТҮРКПА Сайлауды бақылау жөніндегі миссиясы Қазақстан Республикасы Орталық сайлау комиссиясының (ОСК) Төрағасы Нұрлан Әбдіровпен кездесті. ОСК Төрағасы алдағы кезектен тыс парламенттік сайлауды өткізуге ағымдағы дайындық туралы хабардар етті. Әбдіров мырза жаңа сайлау нормаларына сәйкес өткізілетін сайлаудың негізгі ерекшеліктері туралы айтып берді және осы тұрғыда сайлауға байланысты заңнамаға соңғы түзетулерге тоқталды. Ол Миссия мүшелерін партиялық тізімдер мен кандидаттарды тіркеу, халықаралық бақылаушыларды аккредиттеу және төменгі сайлау комиссияларын оқыту үшін қабылданған шаралар туралы хабардар етті. Әбдіров мырза мүмкіндігі шектеулі азаматтардың сайлау құқықтарын қамтамасыз етудің маңыздылығын атап өтіп, осы сайлаушылар үшін қажетті жағдайларды қамтамасыз ету үшін тиісті шаралар қабылданғанын білдірді. Миссия мүшелері алдағы сайлауды дайындау және өткізу процесінде ОСК-ға табыс тіледі.