ТҮРКПА бақылаушылары Алматы қалалық сайлау комиссиясының төрағасымен кездесті

2026 жылғы 21 тамызда ТҮРКПА Сайлауды бақылау жөніндегі миссиясының Алматы тобы 2026 жылғы 23 тамызда Қазақстанда өтетін парламенттік сайлауды қысқа мерзімді бақылау шеңберінде Алматы қалалық сайлау комиссиясының төрағасы Айгүл Қалықовамен кездесу өткізді.

Айгүл Қалықова Миссия мүшелерін қарсы алып, сайлауға дайындық барысы туралы ақпарат берді. Ол алдағы парламенттік сайлауда Алматы қаласында дауыс беру 670 сайлау учаскесінде өтетінін хабарлады. Сондай-ақ Айгүл Қалықова Миссия мүшелерінің сайлау процесіне қатысты сұрақтарына жауап берді.

Миссия мүшелері бауырлас Қазақстан халқының игілігі үшін парламенттік сайлаудың сәтті өтуіне тілектестік білдірді.

ТҮРКПА Сайлауды бақылау жөніндегі миссиясының Алматы тобының құрамына Әзербайжан Республикасы Милли Меджлисінің депутаты Хикмат Маммадов, Қырғыз Республикасы Жогорку Кенешінің депутаты Улукбек Карыбек уулу, Түркия Ұлы Ұлттық Мәжілісінің депутаты Филиз Кылыч, ТҮРКПА Бас хатшысының орынбасарының міндетін атқарушы Бектур Базакечов, ТҮРКПА Құқықтық мәселелер мен халықаралық қатынастар комиссиясының хатшысы Кадир Яман, ТҮРКПА Халықаралық хатшылығының құқықтық мәселелер бойынша қызметкері Азар Маммадов, сондай-ақ делегация хатшысы, Түркия Ұлы Ұлттық Мәжілісінің Сыртқы байланыстар және хаттама департаментінің қызметкері Юнус Эмре Үнал кірді.