ТҮРКПА қызметі туралы ақпарат алу үшін бізді әлеуметтік желілерде қадағалаңыз

ТҮРКПА қызметі туралы ақпарат алу үшін бізді әлеуметтік желілерде қадағалаңыз

Әлеуметтік желі
ТҮРКПА Бакуде өткен VII Дүниежүзілік мәдениетаралық диалог форумына қатысты

ТҮРКПА Бакуде өткен VII Дүниежүзілік мәдениетаралық диалог форумына қатысты

Күн
Көрілім
1195

2026 жылғы 27 қазанда Түркі мемлекеттерің Парламенттік Ассамблеясы (ТҮРКПА) комиссиясының хатшысы Айнура Абуталибова Әзербайжанның Баку қаласында «Ортақ болашақ жолындағы диалог: бөлшектенген әлемде көпірлер салу» тақырыбында өткен VII Дүниежүзілік мәдениетаралық диалог форумына қатысты.

Биылғы Форум осы маңызды халықаралық бастаманың 15 жылдығына арналды және Әзербайжанның «Баку процесі» аясында мәдениетаралық өзара түсіністікті, өзара құрметті және өркениеттер арасындағы диалогты ілгерілетуге бағытталған берік ұстанымын тағы бір мәрте растады.

Біріккен Ұлттар Ұйымының Білім, ғылым және мәдениет мәселелері жөніндегі ұйымымен (ЮНЕСКО), Біріккен Ұлттар Ұйымының Өркениеттер альянсымен (UNAOC), Ислам әлемінің білім, ғылым және мәдениет ұйымымен (ICESCO), сондай-ақ БҰҰ Туризм ұйымымен (UN Tourism) бірлесіп ұйымдастырылған Форумға әлемнің түкпір-түкпірінен халықаралық ұйымдардың басшылары, министрлер, парламентшілер, діни көшбасшылар, ғалымдар, жастар және азаматтық қоғам өкілдері қатысты.

Форум бағдарламасы аясында Гүлүстан сарайында жоғары деңгейдегі салтанатты ашылу рәсімі, мәдениетаралық диалог жөніндегі министрлер кездесуі, халықаралық ұйымдардың жоғары деңгейдегі кездесуі, Жаһандық жастар форумы, Жаһандық кәсіпкерлер диалогы, сондай-ақ мәдениетаралық және дінаралық диалог жөніндегі академиялық форум өтті.

Іс-шара барысында жаһандық сын-қатерлерді шешуде, бейбіт қатар өмір сүруді қамтамасыз етуде, өзара сенімді нығайтуда, сондай-ақ инклюзивті әрі орнықты қоғамдар қалыптастыруда мәдениетаралық және дінаралық диалогтың маңыздылығына ерекше назар аударылды.

Сонымен қатар, Форум тәжірибе алмасуға, түрлі көзқарастарды ортаға салуға және халықаралық ынтымақтастықты одан әрі нығайту мүмкіндіктерін қарастыруға арналған маңызды алаң қызметін атқарды.