ТҮРКПА байқаушылары Алматыдағы ҚР СІМ Өкілдігінің басшысымен кездесті

2026 жылғы 21 тамызда ТҮРКПА Сайлауды бақылау жөніндегі миссиясының Алматы тобы 2026 жылғы 23 тамызда Қазақстанда өтетін парламенттік сайлауды қысқа мерзімді бақылау аясында Қазақстан Республикасы Сыртқы істер министрлігінің Ерекше тапсырмалар жөніндегі елшісі – Алматы қаласындағы ҚР СІМ Өкілдік басшысы Жәнібек Әбдрашовпен кездесу өткізді.

Жәнібек Әбдрашов Миссия мүшелерін қарсы алып, Қазақстанда өтетін парламенттік сайлауды бақылауға ТҮРКПА Миссиясының қатысуына ризашылығын білдірді. Ол сондай-ақ ТҮРКПА аясындағы ынтымақтастықтың маңыздылығын атап өтіп, Қазақстанның жаңа бір палаталы парламенттік жүйеге көшуі, жаңа сайлау жүйесі және парламенттік сайлауға дайындық барысы туралы ақпарат берді.

Өз кезегінде Миссия мүшелері Қазақстандағы парламенттік сайлауды халықаралық бақылауға қатысып отырғандарына қанағаттанушылық білдіріп, аталған сайлаудың Қазақстанның демократиялық дамуындағы тарихи маңызын атап өтті. Олар сайлаудың Қазақстан халқы мен тұтастай Түркі әлемі үшін игілікті нәтижелер әкелуіне тілектестік білдірді.

ТҮРКПА Сайлауды бақылау жөніндегі миссиясының Алматы тобының құрамына Әзербайжан Республикасы Милли Меджлисінің депутаты Хикмат Маммадов, Қырғыз Республикасы Жогорку Кенешінің депутаты Улукбек Карыбек уулу, Түркия Ұлы Ұлттық Мәжілісінің депутаты Филиз Кылыч, ТҮРКПА Бас хатшысының орынбасары міндетін атқарушы Бектұр Базакечов, ТҮРКПА Комиссия хатшысы Кадир Яман, ТҮРКПА Халықаралық хатшылығының құқықтық мәселелер жөніндегі маманы Азар Маммадов, сондай-ақ делегация хатшысы, Түркия Ұлы Ұлттық Мәжілісінің Сыртқы байланыстар және хаттама департаментінің қызметкері Юнус Эмре Үнал кірді.