ТҮРКПА "Азербайжан менин жүрөгүмдө" аттуу сүрөт көргөзмөсүнө катышты

2023-жылдын 1-июнунда Укуктук маселелер жана эл аралык байланыштар боюнча комиссиянын катчысы Кадир Яман Азербайжан элинин улуттук лидери Гейдар Алиевдин 100 жылдыгына арналган Түндүк Кипр Түрк Республикасынын (ТКТР) Бакудагы Өкүлчүлүгүнүн Билим жана маданият атташеси Тевфик Улуал тарабынан уюштурулган “Азербайжан менин жүрөгүмдө” аттуу сүрөт көргөзмөсүнө катышты. Иш-чарага Азербайжан Республикасынын Милли Межлисинин депутаттары, дипломатиялык өкүлчүлүктөрдүн, окуу жайлардын өкүлдөрү жана көптөгөн искусство сүйүүчүлөрү катышты. Көргөзмөнүн ачылышында Түндүк Кипр Түрк Республикасынын Баку өкүлү, Элчи Уфук Турганер, Түркия Республикасынын Азербайжан Республикасындагы Элчиси Жахит Багжы жана Түндүк Кипр Түрк Республикасынын Баку өкүлчүлүгүнүн Билим жана маданият атташеси Тевфик Улуал сөз сүйлөштү. Ачылыш аземи ыраазычылык такталарын тапшыруу менен коштолду.