ТҮРКПА Астанада ОСО КП жұмыс отырысына қатысты

2026 жылғы 22 тамызда ТҮРКПА Бас хатшысының орынбасары Мұхаммет Алпер Хаяли бастаған ТҮРКПА делегациясы 2026 жылғы 23 тамызға тағайындалған Қазақстан Республикасы Құрылтайының депутаттарын сайлауды халықаралық байқау бағдарламасы аясында Астана қаласында өткен Түркі мемлекеттері ұйымына (ТМҰ) мүше мемлекеттердің орталық сайлау органдарының Консультативтік платформасының (ОСО КП) жұмыс отырысына қатысты.

Қазақстан Республикасы Орталық сайлау комиссиясының Төрағасы Нұрлан Әбдіров отырыстың ашылуында сөз сөйледі.

Отырысқа Түркі мемлекеттерінің орталық сайлау органдарының басшылары мен өкілдері, сондай-ақ халықаралық ұйымдардың өкілдері қатысып, баяндамалар жасап, сайлау процестерін ұйымдастыру және өткізу саласындағы ұлттық тәжірибелерімен бөлісті.

Қатысушылар ОСО КП-ның 2025–2027 жылдарға арналған іс-шаралар жоспарын құптап, ТМҰ-ға мүше мемлекеттердің сайлау жүйелері туралы ұжымдық монографияны әзірлеу мәселесін талқылады.

Жұмыс отырысы барысында сондай-ақ «Түркі мемлекеттері ұйымына мүше мемлекеттердің сайлау жүйелері» атты жинақтың таныстырылымы өтіп, «Сайлау саласында дипфейктерді пайдалануға байланысты тәуекелдердің алдын алу және оларды барынша азайту қағидаттары» мақұлданды.

Отырысқа ТҮРКПА Бас хатшысының орынбасары Мұхаммет Алпер Хаялимен бірге ТҮРКПА Комиссия хатшылары Айнура Абуталибова мен Бауыржан Датқаев қатысты.