ТҮРКПА Амманда БҰҰ ТҚКБ ұйымдастырған парламенттік оқыту курсына қатысты

2025 жылғы 4-5 қарашада құрамында Қазақстан Парламенті Сенатының депутаты, ТҮРКПА Экономикалық ынтымақтастық жөніндегі комиссиясының мүшесі Нұрлан Бекенов мырза және ТҮРКПА Экономикалық ынтымақтастық жөніндегі комиссиясының хатшысы Бауыржан Датқаев мырза бар ТҮРКПА делегациясы Иордания Хашимит Корольдігінің Амман қаласында өткен «Терроризм мен зорлық-зомбылық экстремизмі мақсаттарында жасанды интеллект пен жаңа технологияларды пайдаланудың алдын алу және оған қарсы тұру бойынша заңнамалық және саяси шаралар» тақырыбындағы екі күндік парламенттік оқыту курсына қатысты. Біріккен Ұлттар Ұйымының Терроризмге қарсы күрес басқармасының (БҰҰ ТҚКБ) терроризмнің алдын алу және оған қарсы тұру жөніндегі парламенттік қатысу жөніндегі бағдарламалық кеңсесі, Катар мемлекетінің Шура кеңесінің қолдауымен және Жерорта теңізі Парламенттік Ассамблеясымен (ЖТПА) және Иордания Хашимит Корольдігінің Сенатымен бірлесіп ұйымдастырған, сондай-ақ БҰҰ ТҚКБ, БҰҰ Адам құқықтары жөніндегі Жоғарғы комиссарының кеңсесі (БҰҰ АҚЖКК) және БҰҰ Қауіпсіздік Кеңесінің Терроризмге қарсы күрес комитетінің атқарушы дирекциясы (ТҚККАД) сияқты БҰҰ кеңселерінің қызметкерлері басқарған іс-шара 60 жуық қатысушыларды, оның ішінде Алжир, Бахрейн, Босния және Герцеговина, Кипр, Иордания, Қазақстан, Ливия, Мавритания, Палестина, Португалия, Румыния, Сербия, Словакия парламентарийлерін және ТҮРКПА, Араб парламентаралық одағы, Африка парламенттік одағы, Араб парламенті, АСЕАН Парламентаралық Ассамблеясы және ТМД ПАА сияқты парламенттік ассамблеялардың өкілдерін жинады. Ашылу рәсімінде Иордания Хашимит Корольдігі Сенатының Төрағасы Жоғары Мәртебелі Фейсал Эль-Файез мырза, ЖТПА Бас хатшысы, Терроризмге қарсы күрес жөніндегі парламенттік ассамблеялардың үйлестіру механизмі кеңсесінің Төрағасы Жоғары Мәртебелі Елші Серхио Пиацци (онлайн) және Катар Шура Кеңесінің депутаты Жоғары Мәртебелі доктор Ахмед бин Хамад Альмоханади сөз сөйледі. Екі күндік іс-шараның күн тәртібіне 9 сессия кірді: «Жасанды интеллект және жаңа технологиялар – БҰҰ ТҚКБ перспективасы», «Жасанды интеллектті түсіну: терроризмге қарсы күрес және зорлық-зомбылық экстремизмінің (ЗЗЭ) алдын алу мүмкіндіктері, тәуекелдері және салдары», «Қауіпсіздік Кеңесі және жаңа технологиялар: ЖИ қатысты қауіптерді шешудегі ТҚККАД рөлі», «Парламенттердің жаңа технологияларды шешудегі рөлі», «Халықаралық және аймақтық құқықтық базалар», «Адам құқықтары және гуманитарлық мәселелер», «Ұлттық заңнамалық жауаптар және озық тәжірибелер», «Парламенттік бақылау және есеп беру» және «Үлгілік заңнамалық базаға бет бұру». Тренинг терроризм мен зорлық-зомбылық экстремизмі жағдайында жасанды интеллект пен жаңа технологиялардың қауіптері мен мүмкіндіктері туралы хабардарлықты арттыруға, жақсы тәжірибелермен бөлісуге және заңнама мен қадағалаудың негізгі қағидаттарын әзірлеуге, сонымен қатар халықаралық адам құқықтары туралы заңнаманы, халықаралық гуманитарлық құқықты және БҰҰ Қауіпсіздік Кеңесінің тиісті қарарларын сақтауға бағытталған. Қатысушылар: терроризмге қарсы іс-қимыл мен ЗЗЭ-да жасанды интеллект пен жаңа технологияларды пайдалануды реттейтін заңнаманы әзірлеу, қарау және бағалау мүмкіндіктерін нығайтуды; үкіметтер мен қауіпсіздік органдарының терроризмге қарсы іс-қимылда жасанды интеллект пен цифрлық технологияларды қалай пайдаланатынын тексеру құралдары мен тәсілдерін әзірлеу арқылы бақылау функцияларын күшейтуді, ашықтықты, есеп берушілікті және негізгі құқықтарды қорғауды қамтамасыз етуді; жасанды интеллект пен жаңа технологияларды реттеуге инклюзивті, құқықтарға негізделген және азаматтарға бағытталған тәсілдерді ілгерілету арқылы өздерінің өкілдік рөлін нығайтуды, зардап шеккен қауымдастықтардың алаңдаушылығы ұлттық саясатта көрініс табуын қамтамасыз етуді зерттеді. Нәтижесінде, парламентарийлер мен Парламенттік Ассамблеялардың өкілдеріне білім, озық тәжірибелер және өзара күшейтетін тәсілдермен алмасу мақсатында тренинг тақырыбы бойынша аймақтық диалог пен парламентаралық ынтымақтастықты дамыту мүмкіндігі берілді.