ТҮРКПА Алматыда өткен Халықаралық ғылыми конференцияға қатысты

2023 жылғы 27 қазанда Бас хатшы орынбасарының міндетін атқарушы Сакы Садыков пен Экономикалық ынтымақтастық жөніндегі комиссия хатшысы Бауыржан Датқаев Түркі Академиясы, Ататүрік атындағы Мәдениет, тіл және тарих жоғары мекемесіне қарасты Түрік тілі құрымы және Әл-Фараби атындағы Қазақ ұлттық университеті бірлесіп Алматыда ұйымдастырған «Ортақ түркі әліпбиінің интеграциялық рөлі: ғылыми және әлеуметтік қырлары» атты халықаралық конференцияға қатысты. Түркі халықтарын біріктіретін бірнеше ұйымдардың өкілдері, лингвистер, түркологтар мен лингвистика саласындағы мамандар конференцияға қатысып, Түркі елдерінің әліпбиін үйлестіру мәселелерін талқылады. Іс-шарада сөз сөйлеген Садыков мырза Түркі алфавиттерін интеграциялаудың маңыздылығын атап өтіп, Түркі елдерінің алфавиттерін үйлестіру тіл мамандар, лингвист-ғалымдар мен түркологтардың бірлескен ғылыми жұмысын талап ететінін және бұл бағытта барлық Түркі халықтарының алфавиттік, лингвистикалық және өзіндік ерекшеліктерін ескеру қажет екенін атап өтті. Конференция барысында Түркі ынтымақтастығы ұйымдарының өкілдері, дипломаттар, тіл институттарының ғалымдары осы мәселе бойынша өз пікірлерімен бөлісті. Конференция соңында кездесуге қатысқан халықаралық ұйымдардың өкілдері 6 бөлімнен тұратын қарар қабылдады. Қарар негізінен тілдік және мәдени құндылықтарды, Түркі халықтары арасындағы әлеуметтік-экономикалық байланыстарды, бірыңғай әліпбиді әзірлеу үшін рәсімдер мен талаптарды одан әрі нығайту мақсатында қабылдануы тиіс шараларды қамтиды.