ТҮРКПА Аял парламентарийлер тобунун төртүнчү жыйыны
Дата
Көрүү
47
2025-жылдын 11-июнунда Астанада ТҮРКПАнын Он төртүнчү пленардык отурумунун алкагында "ТҮРКПАга мүчө мамлекеттерде аялдардын билим берүү армагына катышуусу: алдыңкы тажрыйба жана чечимдер" деп аталган Аял парламентарийлер тобунун төртүнчү жыйыны өттү.
Жыйын топтун башчысы, Азербайжан Республикасынын Милли Межлисинин мүчөсү Тамам Жафарова айымдын төрайымдыгы астында өттү. Иш-чара мүчө мамлекеттерден келген аял парламентарийлерди чогултуп, жыйындын борбордук темасы боюнча диалог жана пикир алмашууга шарт түздү.
Казакстан Республикасынын Парламентинин Мажилисинин мүчөсү Жылдыз Сулейменова, Казакстан Республикасынын Парламентинин Сенатынын мүчөсү Бибигүл Жексенбай, Кыргыз Республикасынын Жогорку Кеңешинин мүчөсү Чолпон Султанбекова жана Түркия Улуу Улуттук Жыйынынын мүчөсү Зейнеп Йылдыз сөз сүйлөштү.
Түрк дүйнөсүндө аялдардын билим берүү тармагына катышуусунун мааанилүүлүгүн эске алып, катышуучулар аял жана кыздардын билим алууда тең жана ар тараптуу мүмкүнчүлүккө ээ болушунун өзгөртүүчү таасирин белгилешти. Алар билим берүү тармагындагы теңсиздиктерди азайтууга багытталган улуттук стратегиялар, стипендиялык программалар жана институттук реформалар аркылуу ТҮРКПАга мүчө мамлекеттерде жетишилген олуттуу жылыштарга көңүл бурушту. Билим берүүнүн бардык баскычтарында кыздардын окууга кабыл алынышын, мектепте окуп калуусун жана академиялык жетишкендигин жакшырткан демилгелер боюнча алдыңкы тажрыйбалар бөлүшүлдү. Аял парламентарийлер саясий негиздерди бекемдөөнүн, мугалимдерди даярдоого инвестиция салуунун жана туруктуу прогрессти камсыз кылуу үчүн санариптик билим берүү мүмкүнчүлүктөрүн кеңейтүүнүн маанилүүлүгүн белгилешти.
Жолугушуунун жүрүшүндө ТҮРКПАнын билим берүү тармагында аялдар менен эркектердин тең укуктуулугун илгерилетүү боюнча мыйзам чыгаруу тармагында тажрыйба алмашуу жана аракеттерди координациялоо үчүн маанилүү парламенттер аралык платформа катары ролу дагы бир жолу тастыкталды.
Топ өзүнүн тиешелүү отчётун жана сунуштамаларын кабыл алып, бешинчи жыйынын ТҮРКПАнын Он бешинчи пленардык отурумунун алкагында, тийиштүү түрдө аныкталган тематикалык багыт менен Кыргыз Республикасында өткөрүлөөрүн чечти.
