ТҮРКПА 4-ші Халықаралық Бахши өнері фестиваліне қатысты

2025 жылғы 26-28 сәуірде Бас хатшы Мехмет Сүрейя Эр бастаған ТҮРКПА делегациясы Өзбекстан Республикасының Хива қаласында ЮНЕСКО және ИСЕСКО қамқорлығымен Өзбекстан Республикасы Үкіметінің қолдауымен Өзбекстан Республикасы Мәдениет министрлігі ұйымдастырған 4-ші Халықаралық Бахши өнері фестиваліне қатысты. Фестиваль аясында «Жаңа Өзбекстандағы бахши өнері: заманауи зерттеулер мен перспективалар» атты Түркі әлемі мәдениетінің екінші форумы өтті. Форумға Өзбекстанның Мәдениет министрі Озодбек Назарбеков, Әзербайжан Мәдениет министрі Әділ Каримли, ТҮРКПА Бас хатшысы Мехмет Сүрейя Эр, ТҮРКСОЙ Бас хатшысы Сұлтан Раев, Түркі академиясының Президенті Шахин Мұстафаев; Түркі мәдениеті мен мұрасы қорының Президенті Ақтоты Райымқұлова, Қырғызстан Мәдениет министрінің орынбасары Гүлбара Әбдіхалықова, «Манас» Ұлттық академиясының Президенті Биймырза ұлы Әзиз, Қырғыз Республикасы Мәдениет, ақпарат және жастар саясатының бұрынғы Министрі, халық жазушысы, драматург, мемлекет және қоғам қайраткері Қайрат Иманалиев, Қырғыз Республикасы Ұлттық ғылым академиясы Шыңғыс Айтматов атындағы Тіл және әдебиет институтының директоры, академик Абдылджан Акматалиев және басқа да мәдениет және ғылым қайраткерлері қатысты. Форумда әр елден келген 40-тан астам белгілі мәдениет қайраткерлері мен әңгіме тарту өнерін зерттеп жүрген ғалымдар түрлі тақырыпта баяндама жасады. Форумның ашылу салтанатында ТҮРКПА Бас хатшысы Мехмет Сүрейя Эр де сөз сөйледі. ТҮРКПА Бас хатшысы өз сөзінде қабылдаушы тарапқа шақырғаны және тамаша ұйымдастыру үшін алғысын білдірді. Бас хатшы бахши өнерінің 2019 жылы ЮНЕСКО-ның репрезентативті тізіміне енуі оның жаһандық өркениеттік маңызын көрсететінін атап өтті. Сондай-ақ, фестиваль бахшилік дәстүрін сақтау мен насихаттауға, халықаралық мәдени байланыстарды нығайтуға, Түркі әлемінің бірлігін нығайтуға зор септігін тигізетінін баса айтты. Сол күні Итчан Калада 4-ші Халықаралық Бахши өнері фестивалінің салтанатты ашылу рәсімі өтті. Салтанатты шарада Хорезм өлкесінен келген атақты өзбек әртістері мен орындаушыларының керемет музыкалық қойылымдары болды. 27 сәуірде 12 шет мемлекет пен Өзбекстан өкілдері арасында халықаралық жарыс өтті. Фестиваль 28 сәуірде жабылу салтанатымен және жеңімпаздарды марапаттаумен аяқталды. Фестиваль бағдарламасы аясында қонақтар 1990 жылы ЮНЕСКО-ның Бүкіләлемдік мұра тізіміне енгізілген Хиуа қаласының тарихи сәулеттік мұрасы Итчан Калада болды. Бас хатшы Мехмет Сүрейя Эрмен бірге ТҮРКПА Хатшылығының қызметкерлері Метин Албайрак пен Тахмина Бакиева да болды. Халықаралық Бахшы өнері фестивалі Президенттің Жарлығына сәйкес ұйымдастырылып, екі жылда бір рет өткізіліп тұрады. Атап айтсақ, бірінші фестиваль 2019 жылы Термезде, екіншісі 2021 жылы Нүкісте, үшінші фестивалі 2023 жылы Гүлистанда өтті. Бахши өнері Өзбекстанның материалдық емес мәдени мұрасының элементі ретінде ЮНЕСКО-ның Адамзаттың материалдық емес мәдени мұрасының репрезентативті тізіміне енгізілген.