Түркиянын "Диянет" фондунун Башкы директору ТҮРКПАнын Катчылыгына келди

2025-жылдын 4-мартында Түркиянын "Диянет" фондунун башкы директору Изани Туран жетектеген делегация ТҮРКПАнын Катчылыгына келип, Башкы катчы Мехмет Сүрейя Эр менен жолугушту. Башкы директорду Түркия Республикасынын Бакудагы Элчилигинин Дин иштери боюнча кеңешчиси Ихсан Ачык коштоп жүрдү. Башкы катчы Мехмет Сүрейя Эр конокторду тосуп алып, Ассамблеянын ишмердүүлүгү тууралуу маалымат берди. Жолугушуунун жүрүшүндө тараптар ТҮРКПА менен "Диянет" фондунун алкагындагы кызматташтыктын келечектеги мүмкүнчүлүктөрү боюнча пикир алмашышты. Түркиянын Диянет Фонду «Элдин эң мыктылары – адамзатка эң көп пайда алып келгендер» деген принципке ылайык бүткүл адамзатка кызмат кылган боорукердик кыймылы. Бул боорукердик аракетинин уландысы катары 1975-жылдын 13-мартында Түркиянын Диянет Фонду түзүлдү. Түркиянын Диянет Фонду 149 өлкөдө 1003 филиалы аркылуу билим берүүдөн маданиятка, коомдук жана кайрымдуулук иш-чараларынан тартып, диний кызматтарга колдоо көрсөтүүгө чейин кеңири иш-чараларды жана эл аралык жардам көрсөтүүлөрү менен бүгүнкү күндө Түркияда жарандык коомдун маанилүү кыймылына айланды. Кайрымдуу өлкөнүн күчтүү колдоосу жана ишенимдүү адамдардын күжүрмөн эмгегинин аркасында эл аралык фондго айланган бул фонд динине, тилине, расасына жана жынысына карабастан дүйнө жүзүндөгү жабырлануучуларга үмүт берип келүүдө. Түркиянын Дианет Фонду 1983-жылдан бери Рамазан айынын руханий атмосферасын жаратуу үчүн, Анкара жана Стамбул шаарларында түрк китептеринин жана маданий жарманкелерин уюштуруп келүүдө. Маанилүү адабият булагы болгон 44 томдук Ислам энциклопедиясы жана башка көптөгөн булактар маданий мурасыбызга салым кошкон. Түркияда жана чет өлкөлөрдө билим берүү ишмердүүлүгүнө артыкчылык берген фонд билим берүүнүн бардык баскычтарында: Куран окутуу жана жаттоо курстарынан баштап, бала бакчадан башталгыч класска чейин, "Имам Хатип" атындагы орто мектептен баштап, университетке, магистратура жана докторантурага чейин Түркиядагы жана дүйнөнүн 111 өлкөсүнөн келген жаштарга бекем диний билим берүүнү көздөйт.