Түркия Республикасының Елшісі ТҮРКПА Хатшылығына келді

2025 жылғы 24 ақпанда Түркия Республикасының Әзербайжан Республикасындағы Төтенше және Өкілетті Елшісі Бирол Акгюн ТҮРКПА Хатшылығына келіп, Бас хатшы Мехмет Сүрейя Эрмен кездесті. Тағайындалуына орай ізетті сапармен келген Елшіге екінші хатшы Тевфик Явузер ілесіп жүрді. Бас хатшы Акгюн мырзаға сапары үшін ризашылығын білдіріп, оны Елші қызметіне тағайындалуымен құттықтады. Сапар барысында Елші Акгюн ТҮРКПА Хатшылығы мен оның қызметі туралы ақпарат алды. Тараптар ТҮРКПА-ға мүше және бақылаушы мемлекеттер арасындағы ынтымақтастықтың қазіргі жағдайы мен одан әрі дамуы туралы пікір алмасты.