Түркия Республикасынын элчиси ТҮРКПА Катчылыгына келди

2025-жылдын 24-февралында Түркия Республикасынын Азербайжан Республикасындагы Атайын жана Ыйгарым укуктуу Элчиси Бирол Акгүн ТҮРКПАнын Катчылыгына келип, Башкы катчы Мехмет Сүрейя Эр менен жолугушту. Кызматка киришүүсүнө байланыштуу сылыктык сапары менен келген Элчини экинчи катчы Тевфик Явузер коштоп жүрдү. Башкы катчы Акгүн мырзага сапар жасаганы үчүн ыраазычылыгын билдирип, элчи болуп дайындалгандыгы менен куттуктады. Иш-сапары учурунда Элчи Акгүн мырза ТҮРКПАнын Катчылыгы жана анын ишмердүүлүгү жөнүндө маалымат алды. Эки тарап ТҮРКПАнын мүчө жана байкоочу мамлекеттеринин ортосундагы кызматташтыктын учурдагы абалы жана андан ары өнүгүшү жөнүндө пикир алмашышты.